The news is by your side.

ابوظہبی ڈیزرٹ موٹر ریس کا میلہ سج گیا، پہلا روز فرنچ ڈرائیور کے نام

ابوظہبی: متحدہ عرب امارات کے صحرا میں فراٹے مارتی گاڑیوں کے مقابلوں کا آغاز ہوگیا، ابو ظہبی ڈیزرٹ چیلنج کا پہلا روز فرنچ ڈرائیور کے نام رہا۔

تفصیلات کے مطابق ابوظہبی ڈیزرٹ موٹر ریس کا میلہ سج گیا، متحدہ عرب امارات کے صحرا میں کامیابی کے لیے کھلاڑیوں کی تگ ودو شروع ہوگئی۔

پہلے روز کے مقابلے میں فرینچ ریسر سیریل ڈیسپریس چھائے رہے، ڈیسپریس نے دو سو باسٹھ کلو میٹر کا فاصلہ انتالیس منٹ پندرہ سیکنڈ میں طے کرکے پہلی پوزیشن حاصل کی۔

بائیک کیٹیگری میں برطانیہ کے سیم سندرلینڈ نے چھ منٹ کی برتری حاصل کرکے پہلا مرحلہ اپنے نام کیا، چار اپریل تک جاری رہنے والے مقابلے کے مزید چار مرحلے ہوں گے۔

یو اے ای میں گذشتہ سال فروری میں ریڈ بل ایئر ریس ورلڈ چیمپیئن شپ ہوا تھا، ایئر ریس میں دنیا کے مختلف ممالک کے 14 ہوا بازوں نے شرکت کی تھی۔

ایئر ریس میں متحدہ عرب امارات کی فضائیہ کے جہازوں نے کرتب دکھائے، ریس میں ہوا بازوں نے فضائی کرتب دکھائے اور رکاؤٹوں کو عبور کیا تھا۔

ابوظہبی ریس کے فاتح امریکی پائلٹ مائیکل گولین رہے جبکہ دوسری پوزیشن پر جاپان اور تیسری پوزیشن پر جمہوریہ چیک کے پائلٹ رہے تھے۔

Comments

یہ بھی پڑھیں