The news is by your side.

Advertisement

دبئی ایکسپو 2020: آنے والے سیاحوں کیلئے بڑی سہولت

دبئی ایکسپو2020 کا آغاز ہوچکا ہے جس کیلئے انتظامیہ کی جانب سے وہاں آنے والے مہمانوں کو دی جانے والی سہولیات کیلئے اہم اقدامات کیے ہیں۔

ایک ہزار ایکڑ سے زائد رقبے پر پھیلا جو قطعہ زمین چند برس قبل تک ویران صحرا تھا آج وہاں ایک دہائی سے بھی کم عرصے میں دنیا کی ہر جدید سہولت دستیاب کردی گئی ہے۔

اس حوالے سے دبئی ایکسپو2020 میں شرکت کیلئے روڈ اینڈ ٹرانسپورٹ اتھارٹی آر ٹی اے نے تجویز دی ہے کہ سب سے بہتر ٹرانسپورٹ دبئی میٹرو بس سروس ہے۔

ذرائع کے مطابق آر ٹی اے نے پچاس نئی بسوں کا اجراء کیا ہے تاکہ سیاحوں کو دی جانے والی پبلک ٹرانسپورٹ سروس ک وبہتر بانایا جاسکے، ان بسوں کو اندرونی اور بیرونی سطح پر جدید اور مختلف انداز سے ڈیزائن کیا گیا ہے۔

آر ٹی اے نے میڈیا کو بتایا ہے کہ سیاح اور مقامی سطح پر یہاں آنے والے لوگ جو پہلی بار دبئی دیکھیں گے وہ دراصل انٹر نیشنل ایئر پورٹ سے براہ راست ایکسپو سائٹ پر جاسکتے ہیں، ان کیلئے پبلک ٹرانسپورٹ آسان اور آرام دہ ہے۔

Dubai Metro service suspended at five stations due to 'technical  malfunction' - Arabianbusiness

آر ٹی اے انتظامیہ کے مطابق ایکسپو 2020پر جانے والے روٹ پر مجموعی طور پر سات اسٹیشنز ہیں، جن میں جبل علی، دی گارڈنز، ڈسکوری گارڈنز، الفرجان، جمیرا گالف اسٹیٹس، دبئی انویسٹمنٹ پارک، اور ایکسپو2020 شامل ہیں۔

دبئی میٹرو کی ریڈ اور گرین لائینز ہفتے سے بدھ تک کی صبح 5بجے سے اگلے دن 1 بجے تک مسافروں کو خدمات پیش کرتی ہے اس کےعلاوہ جمعرات کو میٹرو سروس صبح 5 بجے سے 2بجکر 15منٹ تک اور جمعہ کے دن صبح 8سے سوا ایک بجے تک چلے گی۔

Comments

یہ بھی پڑھیں