تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

دبئی: نئی حدِ رفتار کے بعد پہلا حادثہ‘ لڑکی جاں بحق

دبئی : متحدہ عرب امارات میں ایک نوجوان لڑکی ٹریفک حادثے میں اپنی جان سے ہاتھ دھوبیٹھی‘ نئی حد رفتار کے بعد یہ پہلا جان لیوا حادثہ ہے۔

تفصیلات کے مطابق یہ حادثہ دبئی کی شیخ محمد بن زید روڈ پر پیش آیا جہاں رواں مہینے مسافروں کی زندگیاںمحفوظ بنانے کے لیے حدِ رفتار120 کلومیٹر فی گھنٹہ سے کم کرکے 110 کلو میٹر کی گئی ہے۔

ذرائع کے مطابق ایک 42 سالہ شخص لینڈ کروزر میں سلی کون اوسس سے شارجہ کی جانب جارہا تھا‘ اس کے ساتھ گاڑی میں مزید چار افراد سوار تھے اور یہ سب اردن کے باشندے تھے۔ اچانک ڈرائیو بہکا اور گاڑی مقررہ راستے سے ہٹ گئی اور بے قابوہو کر کنکریٹ کے بیریئر سے جا ٹکرائی ۔

دبئی پولیس کا فلائنگ بائیک کا کامیاب تجربہ*

حادثے کے نتیجے میں گاڑی پلٹ گئی اور اس میں موجود تمام مسافر زخمی ہوئے جبکہ ایک سولہ سالہ لڑکی شدید زخمی ہوئی‘ جب تک اسے اسپتال منتقل کیا گیا وہ اپنے زخموں کی تاب نہ لاتے ہوئے انتقال کرگئی۔

پولیس تفتیش کاروں کا کہنا ہے کہ ابتدائی تفتیش سے ثابت ہوا ہے کہ حادثہ اس لیے پیش آیا کہ ڈرائیونے یک دم موڑ لینے کی کوشش کی جس کے نتیجے میں گاڑی پلٹ گئی۔

یاد رہے کہ محض دو روز قبل بروز جمعہ ایک ٹرک اسی شیخ محمد بن زید روڈ پر بے قابو ہر الٹ گیا تھا ‘ پلٹتے ہی ٹرک نے آگ پکڑ لی تھی لیکن خوش قسمتی سے ڈرائیور بروقت باہر نکلنے میں کامیاب ہوگیا تھا اور اس حادثے میں کسی قسم کا جانی نقصان نہیں ہوا تھا ۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

- Advertisement -