دبئی کی عدالت نے پیاز کے 10 تھیلے چوری کرنے والے 2 چوروں کو تین ماہ قید کی سزا بھگتنے کے بعد ملک بدر کرنے کا حکم دیا ہے۔
عدالت نے دونوں مجرموں پیاز کے تھیلے چوری کے جرم کا اعتراف کرنے پر یہ سزا سنائی، دونوں چوروں نے العویر کے علاقے میں واردات کی تھی۔،
عدالت کو بتایا گیا کہ دونوں مجرمان العویر کے علاقے میں چوری شدہ پیاز کے تھیلے ایک ٹرک میں لوڈ کررہے تھے کہ ایک سیکیورٹی گارڈ نے ان کی یہ مذموم کوشش ناکام بنادی۔
سرکاری ریکارڈ کے مطابق ایک پورٹر اور اس کے دوست نے العویر میں پھل اور سبزی منڈی سے پیاز کے تھیلے چرانے کا منصوبہ بنایا تھا اور اس کو عملی جامہ پہناتے ہوئے ایک گودام کے قریب کھڑے ٹرک کی نگرانی کی اور موقع ملتے ہی پیاز کے تھیلے لے جانے لگے تھے۔
چوروں کو پکڑنے والے سیکیورٹی گارڈ نے عدالت کو بتایا کہ مشکوک نقل وحمل پر جب میں وہاں گیا تو قریب جاکر دیکھا کہ وہ لوگ پیاز کے دس تھیلے ایک دوسرے شخص کی مدد سے چوری کرکے لے جارہے تھے۔
گارڈ نے انہیں چوری کرنے سے روکا اور دبئی پولیس کو واقعے کی اطلاع دی جس کے بعد پولیس نے دونوں چوروں کو گرفتار کیا، دونوں ملزمان پر ڈکیتی کی کوشش کا الزام تھا لیکن انہوں نے صرف پیاز چوری کرنے کا اعتراف کیا۔
