site
stats
کھیل

دبئی: پاکستان اورانگلینڈ آج چوتھے اور آخری ون ڈے میں مدمقابل

دبئی : پاکستان اور انگلینڈ کے درمیان سیریزکا چوتھا اور آخری ون ڈے آج دبئی میں کھیلا جائے گا۔ دبئی میں شاہینوں کے لئے یہ معرکہ آر یا پار ہوگا۔

انگلینڈ کی ٹیم سیریز جیتنے اور پاکستانی ٹیم بچانے کے لئے پرعزم ہے، اس وقت انگلینڈ کو سیریز میں دو ایک کی برتری حاصل ہے۔

شارجہ میں کھیلے گئے گزشتہ تیسرے ون ڈے میچ میں پاکستان کی بیٹنگ ، بولنگ اور فیلڈنگ تینوں نے دھوکہ دے دیا تھا۔

احمد شہزاد کی جگہ سیریز میں نئے اوپنرز کو آزمانے کا تجربہ بھی ناکام رہا۔ یاسر شاہ کی آخری ون ڈے میں بھی شرکت فٹنس سے مشروط ہے۔

قومی ٹیم کے کپتان اظہر علی کا کہنا ہے کہ پوری جان لڑاکر آخری ون ڈے جیتنے کی کوشش کریں گے۔ سیریز ہارے تو ذمہ داری قبول کریں گے۔

واضح رہے کہ دوہزار بارہ کی سیریز میں انگلینڈ نے دبئی میں کھیلے گئے دونوں ون ڈے میں گرین
شرٹس کو زیر کیا تھا۔ میچ پاکستانی وقت کے مطابق شام چار بجے شروع ہوگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top