دبئی میں شاپنگ بیگز کیلئے نیا قانون نافذ

یو اے ای : متحدہ عرب امارات دبئی میں شاپنگ سینٹرز اور تمام تجارتی مراکز نے جمعہ یکم جولائی سے ڈسپوزیبل بیگز پر صارفین سے25 فلس وصول کرنا شروع کردیے۔

الامارات الیوم کے مطابق دبئی کے حکام نے فیصلہ کیا ہے کہ دو برس کے دوران ڈسپوزیبل پلاسٹک بیگز کا استعمال مکمل طور پر بند کردیا جائے گا۔ 25 فلس فی بیگ وصولی اس جانب پہلا قدم ہے۔

دبئی بلدیاتی کونسل کا کہنا ہے کہ تمام تجارتی مراکز کو صارفین سے ڈسپوزیبل پلاسٹک بیگ پر 25 فلس وصول کرنے کا پابند بنایا گیا ہے۔

تجارتی مراکز کو اختیار دیا گیا ہے کہ وہ ڈسپوزیبل پلاسٹک بیگز کے متبادل مہیا کریں اوراس کی قیمت متعین کی جاسکتی ہے۔

بلدیاتی کونسل کا کہنا ہے کہ 25 فلس ڈسپوزیبل پلاسٹک بیگز پر ہی وصول کیے جائیں گے، بلدیاتی کونسل کے مطابق فیس کی وصولی لازمی ہے، اس کی قیمت خریداری بل میں شامل کی جائے گی۔

Comments