تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

دبئی پولیس کا ’بچھو‘ آپریشن، 23 ارب روپے سے زائد مالیت کی منشیات برآمد

دبئی: متحدہ عرب امارات کی ریاست دبئی میں پولیس نے500 کلو گرام کوکین اسمگل کرنے کی کوشش ناکام بنا دی۔

اے آر وائی نیوز کی رپورٹ کے مطابق دبئی پولیس نے اتوار کے روز خفیہ اطلاع پر کارروائی کر کے  500 کلوگرام کوکین اسمگل کرنے کی کوشش ناکام بنا دی۔

پولیس حکام نے بتایا کہ منشیات کی مالیت پچاس کروڑ اماراتی درہم (23 ارب روپے) سے زیادہ ہے۔ پولیس فورس نے اس کارروائی کو خطے میں منشیات کے خلاف سب سے بڑی کارروائی قرار دیا۔ پولیس حکام کے مطابق منشیات فروشی میں ملوث عالمی گروہ کے کارندے کو بھی گرفتار کیا گیا ہے۔

پولیس نے بتایا کہ منشیات کی بھاری مقدار مال بردار کنٹینر کے پینل میں چھپا کر لائی گئی تھی، دبئی بندر گاہ آمد کے حوالے سے پولیس کو خفیہ اطلاع موصول ہوئی، جس پر پولیس نے اپنی ٹیموں کو خصوصی ٹاسک دیا۔

پولیس حکام نے بتایا کہ منشیات والے کنٹینر کو امارات کے ایک گودام میں پہنچا دیا گیا تھا، بعد ازاں ملزم کو گرائینڈر سمیت بجلی کے اوزار خریدتے دیکھا گیا، جب اس کا پیچھا کیا گیا تو معلوم ہوا کہ اُس نے اوزاروں سے کنٹینر کو کھولنے کا پلان بنایا تھا۔ پولیس نے اسمگلنگ کی کوشش ناکام بنانے کی کارروائی کو ’آپریشن بچھو‘ کا نام دیا۔

انسداد منشیات (اینٹی نارکوٹکس فورس) کے جنرل ڈیپارٹمنٹ کے ڈپٹی ڈائریکٹر کرنل خالد بن معیز نے کہا ہے کہ پولیس نے گودام پرچھاپہ مارا اوراس مشتبہ شخص کو رنگے ہاتھوں پکڑ کر منشیات قبضے میں لے لی ہے۔ دبئی پولیس نے ملزم کی شناخت ظاہر نہیں کی البتہ اُس کا تعلق مشرقِ وسطیٰ سے بتایا ہے۔

Comments

- Advertisement -