The news is by your side.

Advertisement

سپراسپیڈ کارگو منصوبہ: اب مسافروں کا سامان دبئی سے سعودی عرب 45 منٹ میں پہنچ جائے گا

دبئی: متحدہ عرب امارات کی بین الاقوامی کارگو کمپنی نے ورجن ہائپر لوپ ون کمپنی کے تعاون سے دنیا کا تیز ترین کارگو ٹرین سستم تیار کرنے کا فیصلہ کیا ہے، جس کے بعد دبئی سے سعودی عرب صرف 45 منٹ میں مسافروں کا سامان پہنچایا جاسکے گا۔

کمپنی کا کہنا ہے کہ اس منصوبے پر 10 ارب ڈالر کے اخراجات آئیں گے اور اس پر سرمایہ کاری کے لیے متحدہ عرب امارات، سعودی عرب اور بھارت کے شامل ہونے کے امکانات ہیں۔

دبئی بین الاقوامی بندرگاہ کونسل کے چیئرمین بورڈ آف ڈائریکٹر سلطان احمد بن سلیم کا کہنا ہے کہ ہائپر لوپ ون کمپنی کے ساتھ ایک باضابطہ تقریب میں سپر اسپیڈ ٹرین منصوبے پر اتفاق کیا گیا۔

دبئی میں منعقدہ تقریب میں متحدہ عرب امارات کے نائب صدر، وزیر اعظم اور حاکم دبئی الشیخ محمد بن راشد المکتوم نے شرکت کی، ہائپر لوپ کے نام کو بین الاقوامی کارگو اسپیڈ کا نام دینے پر اتفاق کیا گیا۔

حکام کا کہنا تھا کہ ہم ٹرانسپورٹ کی دنیا میں ایک نیا انقلاب لانا چاہتے ہیں، سامان کی ترسیل کی تیز ترین کارگو سروس کی تکمیل کے بعد سعودی عرب سے دبئی کے درمیان سامان کی ترسیل 14 گھنٹے سے کم ہوکر پونے گھنٹے کا ایک گھنٹے تک آجائے گی۔

مسٹر لویڈ کا کہنا تھا کہ مجھے یقین ہے کہ رواں سال کے آخر تک ہمارے پاس حکومت کے فنڈ سے تین منصوبے شروع کرنے کے لیے تیار ہوں گے، ان میں سے دو 2019 اور ایک 2020 میں شروع کیا جائے گا۔

واضح رہے کہ بین الاقوامی دبئی کمپنی کے 40 ممالک میں 78 اسٹیشن ہیں، یہ کمپنی ماہانہ 80 مال بردار بحری جہازوں سے نمٹنے کی صلاحیت رکھتی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں