دبئی : متحدہ عرب امارات کے وزیراعظم اور دبئی کے امیرشیخ محمد بن راشد المکتوم کے بڑے بیٹے شیخ راشد انتقال کرگئے۔
عرب میڈیا کے مطابق شیخ راشد کا انتقال آج صبح دل کا دورہ پڑنے سے ہوا، ان کی عمر چونتیس سال تھی، شیخ راشد کے انتقال پر تین روزہ سوگ کا اعلان کیا گیا ہے، سوگ کے دوران پرچم سرنگوں رہے گا۔
وزیراعظم نوازشریف نے شیخ راشد کے انتقال پرافسوس کا اظہارکیا اور مرحوم کے درجات کی بلندی کے لئے دعا کی، شیخ راشد کی نمازِجنازہ اور تدفین مغرب کی نماز کے بعد دبئی میں کی جائے گی۔
