دبئی ٹیسٹ:انگلینڈ کیخلاف پاکستان پہلی اننگز میں378 رنز بناکر آؤٹ -
The news is by your side.

Advertisement

دبئی ٹیسٹ:انگلینڈ کیخلاف پاکستان پہلی اننگز میں378 رنز بناکر آؤٹ

دبئی :پاکستان اور انگلینڈ کے درمیان دبئی ٹیسٹ میں دوسرے روز کا کھیل جاری ہے، انگلینڈ کیخلاف پاکستان پہلی اننگز میں378 رنز بناکر آؤٹ ہوگئی، کپتان مصباح الحق 102 رنز اور اشد شفیق 83 رنز کی ناقابل شکست اننگز کھیل کر نمایاں بلے باز رہے۔

پاکستان کو میچ کے دوسرے دن کے آغاز پر ہی بڑا نقصان اٹھانا پڑا، کپتان مصباح الحق 102 رنز بنا کر پویلین لوٹ گئے۔

میچ کے دوسرے روز پاکستان نے اپنی اننگز کا آغاز 282 رنز 4 کھلاڑی آﺅٹ سے کیا لیکن پاکستان کو میچ کے آغاز پر ہی بڑا نقصان اٹھانا پڑا، کپتان مصباح الحق زیادہ دیر وکٹ پر ٹھہر نہ سکے اور سٹورٹ براڈ کی گیند پر ایل بی ڈبلیو ہوگئے، کپتان مصباح الحق نے 102 رنز بنائے.

اسد شفیق نے ذمہ داری بلے بازی کا مظاہرہ کرتے ہوئے نصف سنچری مکمل کی اور 66 رنز کیساتھ وکٹ پر موجود ہیں، سرفراز احمد بھی 32 رنز بنا کر آؤٹ ہوگئے جبکہ وہاب ریاض بھی جلد کیچ آﺅٹ ہوئے۔

جس کے بعد یاسر شاہ بھی انگلش باﺅلرز کے سامنے زیادہ دیر مزاحمت نہ کر سکے اور 16 رنز بنا کر پویلین لوٹ گئے۔ پاکستان کے نویں آﺅٹ ہونے والے کھلاڑی ذوالفقار بابر ہیں جو 3 رنز بنا کر آﺅٹ ہوئے۔

اسد شفیق نے انگلش باﺅلرز کا ڈٹ کر مقابلہ کرتے ہوئے 83 رنز بنا کر ناقابل شکست رہے.

انگلینڈ کے معین علی اور مارک ووڈ نے 3,3 وکٹیں حاصل کیں جبکہ جیمز اینڈرسن، سٹورٹ براڈ، بین سٹاکس اور عادل رشید ایک ایک وکٹ لینے میں کامیاب ہوسکے.

گزشتہ روز پاکستان نے پہلے روز کے اختتام پر کپتان مصباح الحق کی شاندار سنچری کی بدولت 4 وکٹوں کے نقصان پر 282 رنز بنائے تھے۔

Comments

comments

یہ بھی پڑھیں