دبئی: متحدہ عرب امارات کی ریاست میں ٹرانسپورٹ کے معاملات پر نظر رکھنے والی اتھارٹی نے دو روز کے لیے اہم شاہراہ کو بند رکھنے کا اعلان کردیا۔
دبئی روڈ اینڈ ٹرانسپورٹ اتھارٹی (آر ٹی اے) نے اعلان کیا کہ الشنداگھا سرنگ کو دو روز کے لیے عارضی طور پر بند کیا جارہا ہے۔
اتھارٹی کی جانب سے جاری ہونے والے ٹویٹ میں بتایا گیا ہے کہ ہر ہفتے دو روز کے لیے عارضی طور پر بند کی جانے والی سرنگ کو رواں ویک اینڈ یعنی جمعے اور ہفتے کو بند رکھا جائے گا۔
آر ٹی اے کے مطابق بُرج دبئی سے ڈیرہ جانے والی ٹنل کو جمعے کی رات ساڑھے 12 بجے سے صبح ساڑھے دس بجے تک بند رکھا جائے گا اسی طرح ہفتہ تیس اکتوبر کو رات ساڑھے 12 سے صبح 8:30 تک بند رکھا جائے گا۔
اتھارٹی نے شہریوں سے اپیل کی کہ وہ اپنی منازل پر جانے اور خود کو پریشانی سے بچانے کے لیے المکتوم اور الگراہود پُل استعمال کریں۔
A delay is expected on the trips’ schedule of #DubaiBus routes (X13, X02, 8, 95, C01, C03, C07, C09, C18, E306 and X23) amid the closure of Al Shindagha Tunnel, due to diverting the affected bus routes per the closure hours. Please depart early on your trips.
— RTA (@rta_dubai) October 29, 2020
آر ٹی اے کے مطابق سرنگ کو مرمتی کام کے لیے بند کیا جارہا ہے، اس دوران وہاں کسی بھی گاڑی کو داخلے کی اجازت نہیں ہوگی حتیٰ کہ روٹ پر چلنے والی بس سروس بھی بند رہیں گی۔
