تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

ایران میں زلزلہ، کویت، عمان اور شارجہ بھی لرز اٹھا

تہران: ایران میں 5.8 شدت کا زلزلہ آیا ہے، زلزلے کے جھٹکے دبئی، شارجہ، عمان، کویت اور بحرین میں بھی محسوس کیے گئے۔

امریکی جیولوجیکل سروے کے مطابق زلزلہ کا مرکز ایرانی ساحلی شہر بندر لینگے سے 60 کلومیٹر شمال میں تھا، زلزلے کی گہرائی دس کلومیٹر ریکارڈ کی گئی۔

ایران میں آنے والے زلزلے کے جھٹکے دبئی، شارجہ اور عجمان میں بھی محسوس کئے گئے، سوشل میڈیا پر وہاں کے صارفین نے زلزلے سے متعلق متعدد پوسٹ شیئر کیں۔

یو اے ای کے نیشنل سینٹر آف میٹرولوجی کے مطابق زلزلہ مقامی وقت کے مطابق صبح 3.15 پر محسوس کیا گیا اس کی شدت 5.0 تھی، فوری طور پرکسی جانی نقصان کی کوئی اطلاع نہیں ملی ہے۔

یاد رہےکہ سال دو ہزار تین میں ایران کے شہر بام میں تباہ کن زلزلہ آیا تھا جس کے نتیجے میں 26,000 افراد لقمہ اجل بنے تھے جبکہ سال دوہزار سترہ میں ایران اور عراق کے درمیان سرحدی علاقے میں 7 شدت کے زلزلے سے 600 افراد جاں بحق جبکہ 9000 سے زائد زخمی ہوئے تھے۔

دوسری جانب متحدہ عرب امارات میں زلزلے اور جھٹکے نسبتاً کثرت سے آتے ہیں لیکن عمارتوں کو نقصان بہت کم ہوتا ہے۔

گذشتہ روز جاپان کے میاگی، فوکو شیما سمیت کئی شہروں میں زلزلے کی شدت 7.3 ریکارڈ کی گئی تھی جس کے بعد سونامی وارننگ جاری کی گئی۔
ساحلی شہر فوکوشیما میں طاقتور زلزلے کے بعد سونامی کی واننگ جاری کردی گئی تھی۔

Comments

- Advertisement -