تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

دبئی کے لیے بڑا اعزاز

ابو ظہبی: متحدہ عرب امارات کے شہر دبئی نے اپنی رہائشی اور کام کرنے کی سہولیات کے حوالے سے بڑا اعزاز حاصل کرلیا۔

اماراتی ویب سائٹ کے مطابق دبئی میونسپلٹی کے نالج اور انوویشن ڈیپارٹمنٹ نے انٹرنیشل بیسٹ پریکٹس کمپیٹیشن 2021 میں اداراتی جدت کی کیٹیگری میں پہلی پوزیشن حاصل کرلی۔

دبئی میونسپلٹی کے نالج اور انوویشن ڈیپارٹمنٹ نے سات ستاروں کی درجہ بندی سے کامیابی حاصل کی جو اس ایوارڈ میں سب سے زیادہ درجہ بندی ہے۔

یہ کامیابی سنہ 2021 میں نیوزی لینڈ میں بزنس ایکسیلینس کانفرنس میں بلدیہ کی شرکت کے دوران ہوئی جہاں اس نے جدت طرازی اور علم کے انتظام میں اپنے تجربات اور قومی جدت طرازی کی حکمت عملیوں اور اس کی جدت طرازی اور علم پر مبنی حکمت عملی کے مقاصد کو پیش کیا۔

دبئی میونسپلٹی کے ڈائریکٹر جنرل داؤد الحجری نے کہا کہ قومی قیادت کی رہنمائی اور وژن کے تحت دبئی بلدیہ کارکردگی میں جدت کی ترغیب دینے والے بہترین طریقوں کو اپنانے میں اعلیٰ درجے کے حصول کے لیے کوشاں ہے۔

انہوں نے کہا کہ ہمارا مقصد معاشرے کو بہترین معیار کی خدمات کی فراہمی اور دبئی کو رہنے اور کام کرنے کے لیے دنیا کا بہترین شہر بنانا ہے۔

اس مقابلے کا مقصد ان اداروں کی حوصلہ افزائی کرنا ہے جو کاموں کے تمام پہلوؤں میں جدت کی حوصلہ افزائی کرتے ہیں، درجہ بندی کے عمل میں قیادت اور تزویراتی منصوبہ بندی، تربیت اور جدت اور مستقل ترقی، اختراع کے عمل کے لیے اوزار اور طریقے، آئیڈیاز، بہترین طریقہ کار، سہولیات اور وسائل کو مدنظر رکھا جاتا ہے۔

Comments

- Advertisement -