دبئی : دنیا کی نظریں کل تب میدان ریس کورس پر لگی ہونگی جب وہاں دبئی ورلڈ کپ 2021 کی سلور جوبلی تقریب کا انعقاد ہوگا ۔ دبئی ورلڈ کپ 2021 کی شب ایک بار پھر دنیا کا بہترین ایونٹ متحدہ عرب امارات میں دیکھے گی۔
دبئی ورلڈ کپ کی تاریخی 25ویں سالگرہ تقریب27 مارچ کو ہوگی اور اس موقع پر گروپ 1 کی چھ ریس ، گروپ 2کی تین ریس ہونگی جو کہ دنیا کی بہترین دوڑیں ہوں گی اور دبئی ورلڈ کپ میں12 ملین ڈالر رکھے گئے ہیں۔
دبئی ورلڈ کپ تقریب کے ساتھ شائقین کو جو نمایاں ریسز دیکھنے کو ملیں گی ان میں گروپ 1 ایک ملین ڈالر، القوز سپرنٹ گروپ 1 کی ڈیڑھ ملین ڈالر دبئی گولڈن شاہین، گروپ 1 میں 4 ملین ڈالر کی دبئی ٹرف اور گروپ 1 میں 5 ملین ڈالر کی لونگین دبئی شیما کلاسک شامل ہوں گی۔
دبئی ایکوسٹیرین کلب کے ڈی جی محمد عیسیٰ العذاب نے میڈیا کو بتایا کہ اس میں 11 ممالک سے 117 گھوڑے شریک ہونگے جبکہ کل پرائز پول 5ء26 ملین ڈالر کا ہے جس میں 2 ہزار میٹر کی گروپ 1 دبئی ورلڈ کپ بھی نمایاں ہے، اسے امارات ایئرلائنز نے اسپانسر کیا ہے جس کے انعامات کی کل رقم 12 ملین ڈالر ہے جوکہ دنیا میں سب سے بڑی انعامی رقم ہے۔
انہوں نے مزید بتایا کہ متحدہ عرب امارات کا اس ایونٹ کو منعقد کرانے کا مقصد دنیا میں امن ، محبت اور رواداری کا پیغام بھیجنا ہے اور دنیا پر اپنی اس ترقی و جدت کا اظہار بھی چاہتا ہے جو وہ اب تک حاصل کرچکا ہے۔
دبئی ورلڈ کپ کو نائب صدر و وزیراعظم اور دبئی کے حکمران عزت مآب شیخ محمد بن راشد المکتوم نے پہلی بار 1996میں شروع کرایا تھا اور تب سے یہ ہرسال منعقد ہوتا چلا آرہا ہے ۔ پہلا کپ ندالشبا ریس کورس میں ہوا تھا اور وہاں یہ سلسلہ 2009 تک رہا جبکہ 2010 سے یہ ایونٹ میدان ریس کورس میں منعقد ہورہا ہے۔
سال 2020 کا ایونٹ کووڈ 19 کی عالمی وباء کی وجہ سے منسوخ کردیا گیا تھا، سال2019میں اس کی ایک اہم تاریخ تب رقم ہوئی تھی جب شیخ محمد کے گھوڑے ، تھنڈر سنو نے دوسری بار اس ریس کو جیتا، ایسی کامیابی ابھی تک اس ٹورنامنٹ میں کسی کو نصیب نہیں ہوسکی۔
