The news is by your side.

Advertisement

دبئی میں سپر سیل، مختلف اشیاء پر 90 فی صد رعایت

دبئی: متحدہ عرب امارات میں تین روزہ رعایتی سیل کا نعقاد 2 سے 4 مئی تک ہوگا، جہاں صارفین مختلف اشیاء 90 فی صد خصوصی رعایت پر حاصل کرسکیں گے۔

خلیج ٹائمز کی رپورٹ کے مطابق دبئی میں ہر سال کی طرح امسال بھی رمضان المبارک سے قبل رعایتی سیل کا انعقاد کیا گیا ہے، جس میں 28 بڑی ریٹیلرز کمپنیوں کی جانب سے اشیاء پر 90 فی صد رعایت دی جارہی ہے۔

رمضان اور عید کی آمد سے قبل 90 فیصد رعایتی سیل متحدہ عرب امارات میں رہائش پذیر غیر ملکیوں کے لیے اپنے پیاروں کے لیے گفٹ اور دیگر آئٹمز خریدنے کا نادر موقع ہے۔

رپورٹ کے مطابق گزشتہ برس منعقد کی جانے والی لوٹ سیل سے نہ صرف مقامی باشندوں، غیر ملکی مزدوروں بلکہ غیر ملکی سیاحوں نے بھی استفادہ کیا تھا۔

مزید پڑھیں: متحدہ عرب امارات، 60 فیصد خصوصی رعایت پر خریداری کرنے کا نادر موقع

رعایتی سیل کے علاوہ شہریوں کے لیے اپنی فیملی اور بچوں کے ہمراہ شاپنگ مال میں آمد کے موقع پر بیلون ٹوئسٹنگ اور فیس پینٹنگ کا منفرد اقدام کیا گیا ہے۔

رعایتی سیل دبئی کے آؤٹ ولیج میں ہوگی جبکہ اس کے اوقات کار صبح دس بجے سے لے کر رات 12 بجے تک ہوں گے، اس کے علاوہ ایف اینڈ بی آؤٹ لیٹ کے اوقات کار صبح 10 بجے سے رات 1 بجے تک ہوں گے۔

دبئی میں مقیم شہریوں کے لیے مشورہ ہے کہ اگر وہ دبئی یا گرد و نواح میں موجود ہیں تو لوٹ سیل سے فائدہ اٹھانے کے لیے اپنا شیڈول پہلے سے ہی ترتیب دیں کیونکہ یہی وہ نادر موقع ہے کہ آپ اپنے پیاروں کے لیے قیمتی اشیاء کم قیمت میں خرید سکتے ہیں۔

Comments

comments

یہ بھی پڑھیں