تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

دبئی، ٹارچ ٹاور میں لگی آگ پر قابو پا لیا گیا

ابوظبی : دبئی کے ٹارچ ٹاور میں لگی آگ پرقابو پالیا گیا ہےجبکہ رہائشی عمارت میں سے لوگوں کوبھی بحفاظت نکال لیا گیا ہے۔

تفصیلات کے مطابق دبئی میں ٹارچ ٹاورمیں آگ لگ گئی جس نے تیزی سے عمارت کو اپنی لپیٹ میں لے لیا۔ آگ بجھانے والے عملےنےعمارت میں لگی آگ پر قابوپالیا۔

عینی شاہدین کی طرف سے سماجی رابطوں کی ویب سائٹس پر پوسٹ کی گئی ویڈیوز میں دیکھا جا سکتا ہے کہ ٹارچ ٹاور کے اوپری حصے میں کس قدر شدید آگ کے شعلے بھڑک رہے تھے۔

حکام کا کہنا ہے کہ رہائشی عمارت میں سے لوگوں کو نکال لیا گیا ہے اور متاثرین کے لیے قریبی ہوٹلز اورعمارتوں میں رہائش کا انتظام کردیا گیا ہے۔

دوسری جانب اسکائی اسکریپر سینٹر کے مطابق یہ عمارت دنیا کی بلند ترین عمارتوں کی فہرست میں 32 ویں نمبر پر ہے اور اس میں 676 فلیٹس ہیں۔

خیال رہےکہ دبئی کی اس رہائشی عمارت میں دو بیڈ روم اپارٹمنٹ کی قیمت پانچ لاکھ ڈالر سے شروع ہوتی ہے جبکہ اس عمارت میں آٹھ منزلہ پارکنگ ہے اور سوئمنگ پول ہے۔

واضح رہے کہ ٹارچ ٹاور کا افتتاح 2011 میں ہوا تھا اور یہ 79 منزلہ عمارت ہے۔ افتتاح کے وقت یہ دنیا کی بلند ترین رہائشی عمارت تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

- Advertisement -