The news is by your side.

Advertisement

ڈبلن ٹیسٹ چوتھا روز: آئرلینڈ نےدوسری اننگزمیں7وکٹ پر319رنزبنالیے

محمد عامر نے ٹیسٹ کرکٹ میں سو وکٹیں مکمل کرلیں

ڈبلن ٹیسٹ: پاکستان اور آئرلینڈ کے درمیان جاری ڈبلن ٹیسٹ میں کیون اوبرائن کی شاندار سنچری کی بدولت آئرلینڈ نے سات وکٹوں کے نقصان پر 319 رنز بنالیے، محمد عامر نے ٹیسٹ کرکٹ میں سو وکٹیں مکمل کرلیں۔

تفصیلات کے مطابق پاکستان اور آئرلینڈ کے درمیان کھیلے جانے والے واحد ٹیسٹ میچ میں کیون اوبرائن کی شاندار سنچری کی بدولت آئرلینڈ نے اپنی دوسری اننگز میں 319 رنز بناکر 139 رنز کی برتری حاصل کرلی ہے۔

قبل ازیں چوتھے روز آئرلینڈ نے بغیر کسی نقصان کے 64 رنز پر اننگز کا آغاز کیا تو جوائس 43 رنز بنا کر رنز آؤٹ ہوگئے، آئرلینڈ کی دوسری وکٹ 69 رنز پر گری جب بلبرائن بغیر کوئی رن بنائے پویلین لوٹ گئے، انہیں محمد عباس نے ایل بی ڈبلیو کیا۔

تیسرے آؤٹ ہونے والے نیل اوبرائن تھے انہوں نے 18 رنز بنائے انہیں محمد عامر نے کلین بولڈ کیا، اسٹرلنگ کو محمد عباس نے 11 رنز پر آؤٹ کرکے پویلین روانہ کیا۔

ولسن کو 12 رنز بناکر آؤٹ ہوئے، ٹھامپسن نے نے 53 رنز کی اننگز کھیلی انہیں لیگ اسپنر شاداب خان نے بولڈ کیا، چوتھے روز کھیل کے اختتام پر کیون اوبرائن 118 رنز کے ساتھ پر کریز پر موجود ہیں جبکہ کین نے 8 رنز بنائے ہیں، پاکستان کی جانب سے محمد عامر نے تین، محمد عباس نے دو اور شاداب خان نے ایک وکٹ حاصل کی، راحت علی اور فہیم اشرف کوئی وکٹ حاصل نہیں کرسکے۔

محمد عامر 31 ٹیسٹ میچ میں 100 وکٹیں حاصل کرلی، وہ وسیم اکرم کے بعد بائیں ہاتھ سے گیند کرکے 100 وکٹیں حاصل کرنے والے دوسرے پاکستانی بالر بن گئے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں