تازہ ترین

روپے کی بے قدری اور شرح سود میں اضافے سے مسائل بڑھے: انجینئر دارو خان اچکزئی

اسلام آباد: یونائیٹڈ بزنس گروپ کے رہنما اور ایف پی سی سی آئی کے صدارتی امیدوار انجینئر دارو خان اچکزئی کا کہنا ہے کہ روپے کی بے قدری اور شرح سود میں اضافہ سے مسائل میں اضافہ ہوا۔

تفصیلات کے مطابق اپنے جاری کردہ بیان میں دارو خان اچکزئی کا کہنا تھا کہ روپے کی قدر میں کمی اور شرح سود میں اضافہ سے عوام اور کاروباری برادری کے مسائل میں اضافہ ہوا ہے۔

انہوں نے کہا کہ حکومت عوام کو ریلیف فراہم کرنے کے لیے سیلز ٹیکس میں کمی لائے، سیلز ٹیکس کے موجودہ نظام میں خامیاں ہیں، جن میں اصلاحات سے کاروباری صورت حال پر خوش گوار اثرات مرتب ہوں گے۔

انجینئر دارو خان اچکزئی نے مزید کہا کہ سیلز ٹیکس اصلاحات سے حکومت کو اربوں روپے کی بچت ہو گی جبکہ نجی شعبہ کے لیے کاروباری لاگت کم ہونے سے سرمایہ کاری کا ماحول سازگارہو جائے گا۔

ان کا کہنا تھا کہ اگر سیلز ٹیکس میں خاطر خواہ کمی کر کے اسے ناقابل واپسی قرار دیا جائے تو ری فنڈ کلیم اور انپٹ ٹیکس کے متعلق شکایات ختم ہو جائیں گی، جس سے بزنس کمیونٹی کا وقت اور سرمایہ جبکہ ایف بی آر کی انتظامی اخراجات کم ہو جائیں گے۔

Comments

- Advertisement -