The news is by your side.

Advertisement

بارشوں کے باعث ڈیمز میں پانی کی سطح خطرناک حد تک بڑھ گئی ہے،لیاقت شاہوانی

کوئٹہ: ترجمان بلوچستان حکومت لیاقت شاہوانی نے کہا ہے کہ بارشوں کے باعث ڈیمز میں پانی کی سطح خطرناک حد تک بڑھ گئی ہے۔

تفصیلات کے مطابق ترجمان حکومت بلوچستان لیاقت شاہوانی نے نیوز کانفرنس میں چمن میں دھماکے کی شدید الفاظ میں مذمت کرتے ہوئے کہا کہ پاکستان اور خصوصاً بلوچستان میں امن دشمنوں کے عزائم سے واقف ہیں،امن دشمنوں کا پیچھا کسی صورت نہیں چھوڑیں گے۔

انہوں نے کہا کہ 3 ماہ کے دوران کرونا،ٹڈی دل اور اب بارشوں اور سیلابی صورت حال سے نبردآزما ہیں،پی ڈی ایم اے اور متعلقہ ادارے امدادی کارروائیوں میں مصروف ہے،وزیراعلیٰ بلوچستان تمام تر امور کی خود نگرانی کر رہے ہیں۔

ترجمان بلوچستان حکومت کا کہنا تھا کہ بارشوں کے باعث ڈیمز میں پانی کی سطح خطرناک حد تک بڑھ گئی ہے،سیلابی صورت حال کے باعث حادثات میں 10 افراد جاں بحق ہوچکے ہیں۔

لیاقت شاہوانی نے کہا کہ 1100 پیکجز جن میں خوراک،ادویات کمبل شامل ہیں متاثرہ اضلاع روانہ کیے،ہیلی کاپٹر کے ساتھ گاڑیوں اور اونٹوں پربھی ریسکیو آپریشن جاری رکھا۔

انہوں نے کہا کہ بی بی نانی زیارت کا پل ٹوٹنے سے کوئٹہ سبی شاہراہ بند ہوئی،بی بی نانی اور پنجرہ پل مکمل طور پر بحال نہیں ہوا۔ترجمان نے بتایا کہ سیکورٹی فورسز بھی ریسکیو و ریلیف آپریشن میں ہماری مدد کر رہی ہیں۔

لیاقت شاہوانی کا کہنا تھا کہ وزیراعلی بلوچستان متاثرہ اضلاع کے دورے پر ہیں،نقصانات کا تخمینہ لگایا جا رہا ہے،قومی شاہراہوں کی بحالی میں این ایچ اے نے ہماری بھرپور مدد کی۔

Comments

یہ بھی پڑھیں