The news is by your side.

Advertisement

گونگے افراد آپس میں لڑ پڑے،3 گرفتار، مقدمہ درج نہ ہوسکا

کراچی : گلشن حدید میں قوت گویائی سے محروم دو گروپوں میں جھگڑا ہوگیا، پولیس نے تین افراد کو گرفتار کرلیا  مقدمہ درج کرنے کیلئے پولیس کو مشکلات کا سامنا کرنا پڑ رہا ہے۔

تفصیلات کے مطابق کراچی کے علاقے گلشن حدید میں ایک ہوٹل پر گونگے افراد کے دو گروپ کسی بات پر آپس میں لڑ پڑے، تلخ کلامی کے بعد بات ہاتھا پائی تک پہنچ گئی اور ایک دوسرے پر لاتوں گھونسوں اور ڈنڈوں کا آزادانہ استعمال کیا گیا جس سے متعدد افراد زخمی ہوگئے۔

حالات کی سنگینی کو دیکھتے ہوئے ہوٹل کے مالک نے اسٹیل ٹاؤن پولیس کو اطلاع کردی پولیس نے موقع پر پہنچ کر 3افراد کو حراست میں لے لیا۔

اسٹیل ٹاؤن تھانے پہنچ کر جب پولیس نے رپورٹ لکھنے کیلئے ان افراد سے بات کی تو گونگے افراد نے اپنے اپنے انداز میں بیان دینا شروع کردیا جو پولیس افسر کی سمجھ میں نہ آیا اور تین گھنٹے تک یہی کشمکش جاری رہی، آخری اطلاعات تک پولیس رپورٹ نہیں لکھ سکی۔

Comments

یہ بھی پڑھیں