The news is by your side.

Advertisement

کراچی: ڈمپرکی ٹکرسے 10 سال کا بچہ جاں بحق

کراچی: شہر قائد کے علاقے لانڈھی چار نمبرمیں ڈمپرکی ٹکرسے دس سالہ بچے کی ہلاکت کے بعد مشتعل افراد نے ڈمپر کو آگ لگا دی۔

تفصیلات کے مطابق کراچی کے علاقے لانڈھی چار نمبر میں تیز رفتار ڈمپر کی ٹکر سے 10 سالہ بچہ جاں بحق ہوگیا، حادثے کے بعد موقع پر موجود شہریوں نے ڈرائیورکوپکڑ کر پہلے تشدد کا نشانہ بنایا اس کے بعد ڈمپر کو آگ لگا دی۔

مشتعل افراد نے سڑک بلاک کرکے کئی گاڑیوں کے شیشے بھی توڑے اور گاڑیوں سے چابیاں نکال دیں۔ واقعے کے بعد پولیس اور رینجرز نے موقع پر پہنچ کرحالات کو قابو کرلیا، مظاہرہ کرنے والے متعدد افراد کو بھی حراست میں لے لیا گیا۔

کراچی میں ٹرک اورایمبولینس میں تصادم، 1 شخص جاں بحق

یاد رہے کہ گزشتہ ہفتے کراچی کے علاقے گلشن اقبال نیپا پل کے قریب ٹرک اور ایمبولینس میں تصادم کے نتیجے میں ایک شخص جاں بحق جبکہ 2 افراد زخمی ہوگئے تھے۔

واضح رہے کہ 21 جون کو کراچی کے علاقے کورنگی کراسنگ کے قریب تیز رفتار کار فٹ پاتھ پرچڑھ گئی تھی، حادثے میں ایک شخص جان کی بازی ہار گیا تھا جبکہ متعدد افراد زخمی ہوگئے تھے۔

Comments

comments

یہ بھی پڑھیں