The news is by your side.

پنجاب اسمبلی کے بجٹ اجلاس کے دوران بجلی کی لوڈشیڈنگ

ایوان اقبال میں جاری پنجاب اسمبلی کے بجٹ اجلاس کے دوران بجلی چلی گئی، ن لیگی اراکین اندھیرے میں موبائل فون کی روشنی میں بجٹ پر تقاریر کرتے رہے۔

اے آر وائی نیوز کے مطابق ایوان اقبال میں جاری پنجاب اسمبلی کے بجٹ اجلاس کے دوران بجلی چلی گئی، اچانک لوڈشیڈنگ کے باعث پورا ایوان تاریکی میں ڈوب گیا اور ن لیگی اراکین اندھیرے میں موبائل فون کی روشنی میں بجٹ پر تقاریر کرتے رہے۔

موبائل فون کی روشنیوں میں حکومتی اراکین کی بجٹ پر تقاریر ہونے کے بعد چیئرمین پینل نے ایجنڈا مکمل ہونے پر اجلاس کل تک کے لیے ملتوی کردیا۔

واضح رہے کہ پنجاب میں حکومت اور اپوزیشن میں ڈیڈ لاک کے باعث گورنر پنجاب نے ایوان اقبال میں بجٹ اجلاس بلا لیا تھا۔

گزشتہ دنوں صوبائی وزیر اویس لغاری نے ڈپٹی اسپیکر پنجاب اسمبلی دوست محمد مزاری کے زیر صدارت ایوان اقبال میں ہونے والے اجلاس میں پنجاب کا آئندہ مالی سال کا بجٹ پیش کیا تھا۔

مذکورہ اجلاس میں صرف ن لیگ اور حکومت کی اتحادی جماعتوں کے اراکین ہی شریک ہیں، اپوزیشن پی ٹی آئی اور ق لیگ کے اراکین نے اس اجلاس میں شرکت نہیں کی ہے۔

Comments

یہ بھی پڑھیں