روس میں سرکس کے دوران ریچھ نے خاتون ٹرینر پر حملہ کر دیا۔
روسی میڈیا کے مطابق یہ واقعہ کیمروو ریجن میں پیش آیا جہاں سرکس کے دوران ایک ریچھ بھپر گیا اور اچانک اس نے خاتون ٹرینر پر حملہ کر دیا۔
عینی شاہدین کا کہنا ہے کہ سرکس میں کرتب دکھانے والے فنکاروں کو اس وقت غیرمعمولی صورتحال کا سامنا کرنا پڑا جب ریچھ بے قابو ہو گیا۔
ریچھ نے سب سے پہلے خاتون ٹرینر کو فرش پر گرا دیا اور پھر اس کے سر پنجے مارے۔ خوش قسمتی سے اچانک ریچھ نے اپنا رخُ بدل دیا اور ٹرینر کو چھوڑ کر دوسرے ریچھ کی طرف چلا گیا۔
اسی اثنا میں دیگر فنکار بھی اسٹیج پر آگئے اور خاتون ٹرینر کو جلدی سے اٹھا کر ریچھ کی پہنچ سے دور کر دیا۔
ریچھ کے حملے میں خاتون ٹرینر سمیت دیگر فنکاروں کو زخم آئے تاہم ان سب کی حالت خطرے سے باہر ہے۔
Comments
- Advertisement -
