اسلام آباد: وفاقی دارالحکومت اسلام آباد میں کرونا وائرس کو پھیلاؤ کو روکنے کے لیے لاک ڈاؤن کیا گیا ہے اور شہری گھروں میں محصور ہیں لیکن مارگلا کی پہاڑیوں سے ’چیتا‘ سڑکوں پر آگیا۔
تفصیلات کے مطابق وفاقی دارالحکومت اسلام آباد میں لاک ڈاؤن کے دوران چیتے کے سڑکوں پر مٹر گشت کی تصویر سماجی رابطے کی ویب سائٹ ٹویٹر پر شیئر کی گئی جو وائرل ہوگئی۔
تصویر میں دیکھا جاسکتا ہے کہ خوفناک چیتا سڑکوں پر دندناتا پھر رہا ہے جس نے شہریوں کو خوف میں مبتلا کردیا۔
واضح رہے کہ مارگلا پہاڑیوں کے نیشنل پارک میں ممکنہ طور پر تین چیتوں کا خاندان موجود ہے جنہوں نے کرونا لاک ڈاؤن کے دوران سنسان سڑک کا فائدہ اٹھاتے ہوئے ادھر کا رخ کرلیا۔
Leopards of Islamabad 😱🐆
There are possibly 3 families of common leopard in the Margalla Hills National Park, #Islamabad who r seen enjoying respite from humans during #CoronaLockdown. #Covid_19 https://t.co/lDVZRy2xK2#CoronaVirusPakistan #CoronavirusPandemic pic.twitter.com/ZhEY85yLXP— Danyal Gilani (@DanyalGilani) April 11, 2020
نیشنل پارک انتظامیہ کی جانب سے چیتے کی سڑک پر موجودگی پر کوئی ردعمل سامنے نہیں آیا ہے۔
دوسری جانب وفاقی دارالحکومت کے شہریوں نے پارک انتظامیہ سے اپیل کی ہے کہ وہ خطرناک جانور کو پنجرے میں قید کریں تاکہ شہریوں کی زندگی محفوظ ہوسکے۔
یاد رہے کہ اس سے قبل بھارت کے شہر گجرات کے سیکریٹریٹ انکلیو میں رات گئے چیتا داخل ہوا جس کی ویڈیو حساس علاقے میں لگائے جانے والے سی سی ٹی وی میں محفوظ ہوگئی تھی۔
