پاکستان اور ویسٹ انڈیز کے درمیان جاری تیسرا ون ڈے میچ ملتان میں مٹی کے طوفان کے باعث روک دیا گیا ہے۔
تفصیلات کے مطابق پاکستان اور ویسٹ انڈیز کے درمیان تین ایک روزہ میچز کی سیریز کا آخری میچ ملتان کرکٹ اسٹیڈیم میں جاری ہے اور پاکستان نے پہلے بیٹنگ کرتے ہوئے 33 اوورز کے اختتام تک 5 وکٹوں کے نقصان پر 155 رنز بنالیے ہیں۔
شاداب خان 22 اور خوشدل شاہ 15 رنز بناکر کریز پر موجود ہیں۔ اس دوران مٹی کے طوفان کی وجہ سے حد نگاہ صفر ہوگئی اور امپائرز نے میچ کو روک دیا۔
خیال رہے کہ ملتان میں موسم گرما کے دوران مٹی کا طوفان عام بات ہے۔
یہ بھی پڑھیں: تیسرا ون ڈے: پاکستان کا ویسٹ انڈیز کے خلاف ٹاس جیت کر بیٹنگ کا فیصلہ
اس سے قبل پاکستان اور ویسٹ انڈیز کے درمیان تیسرے اور آخری ون ڈے میچ میں پاکستان نے ویسٹ انڈیز کے خلاف ٹاس جیت کر بیٹنگ کا فیصلہ کیا ہے۔ قومی ٹیم میں دو تبدیلیاں کی گئی ہیں، حارث رؤف کی جگہ شاہ نواز دھانی جبکہ شاہین شاہ آفریدی کو آرام کروا کر حسن علی کو موقع دیا گیا ہے۔
گرین شرٹس کو 3 ون ڈے میچز کی سیریز میں 0-2 کی برتری حاصل ہے، قومی ٹیم کی طرف سے شاہ نواز دھانی اپنا ڈیبیو کیا گیا ہے۔