The news is by your side.

Advertisement

ڈوین جانسن بیٹیوں کے آگے ہار گئے، ویڈیو وائرل

نیویارک: ہالی ووڈ سپر اسٹار ڈوین جانسن (دی راک) اپنی بیٹیوں کے ساتھ کھلونوں کے اسٹور پہنچ گئے جہاں باپ کی بیٹیوں کے آگے ایک نہ چلی اور بیٹیوں نے ان کا خوب خرچہ کروادیا۔

ہالی ووڈ اسٹار ڈوین جانسن نے انسٹاگرام پر بیٹیوں کے ہمراہ ویڈیو شیئر کی، چھوٹی بیٹی والد سے ایک کھلونا خریدنے کا کہتی ہے جس پر جس پر وہ کہتے ہیں ہمارے پاس گھر پر پہلے ہی یہ تین ہزار کی تعداد میں موجود ہیں، جس پر ان کی بیٹی وہ کھلونا چھوڑ کر دوسرا خریدنے کا کہتی ہے جس کے جواب میں وہ کہتے ہیں یہ تو پہلے ہی ہمارے پاس 6 ہزار ہیں۔

اداکار کی بیٹی جس کے بعد اسٹور میں دوسرے کھلونے پسند کرنے لگتی ہے۔

انہوں نے بتایا کہ میں ہمیشہ کھلونوں کے اسٹور میں داخل ہونے سے پہلے بیٹیوں کے ساتھ طے کرلیتا ہوں کہ یہاں میری بات مانی جائے گی، اور وہ یہ شرط ہوتی ہے کہ دونوں بیٹیاں دو، دو کھلونے خریدیں گی۔

ڈوین جانسن نے بتایا کہ کھلونوں کے اسٹور میں داخل ہونے سے پہلے ’شرط‘ تو میری بیٹیوں نے مان لی لیکن 45 منٹ بعد ہم اسٹور سے کھلونوں کے 5 بڑے بیگز لے کر نکلے یہ سب دیکھ کر وہاں موجود دوسرے بچوں کی والدہ مجھ پر ہنس رہی تھیں۔

اداکار نے پوسٹ میں لکھا کہ ’ان کو رشوت دینا مطلب کھلونوں کے اسٹور پر لے جانا اور ان کے ساتھ وقت گزارنا مجھے بہت اچھا لگتا ہے۔

ڈوین جانسن کی اس ویڈیو کو ان کے اکاؤنٹ پر چار ملین سے زائد مرتبہ دیکھا جاچکا ہے، وہ اکثر بیٹیوں کے ہمراہ
ویڈیوز شیئر کرتے رہتے ہیں۔

Comments

یہ بھی پڑھیں