(14 مئی 2026): ملک کے بیشتر بڑے شہروں میں ای چالان کیے جا رہے ہیں اگر آپ کا بھی ای چالان ہو گیا ہے تو خود سیکنڈوں میں اس کو چیک کر سکتے ہیں۔
کراچی، لاہور، حیدرآباد سمیت ملک کے بیشتر شہروں میں ٹریفک کی روانی بہتر بنانے اور قوانین پر عملدرآمد کے لیے اب گاڑی مالکان کو روایتی چالان کے بجائے ای چالان کیے جاتے ہیں۔
اگر آپ کا بھی ای چالان ہو گیا ہے تو گھبرائیں نہیں۔ اگر آپ صوبہ پنجاب کے شہری ہیں اور اپنا ای چالان چیک کرنا چاہتے ہیں تو اس کا طریقہ بہت آسان اور آپ کے اسمارٹ فون کے اندر ہی ہے۔
اپنے موبائل یا کمپیوٹر پر پبلک سیفٹی ایپ کھولیں۔ اس کے بعد ای چالان پر کلک کریں۔
ای چالان پر کلک کرنے کے بعد اپنی گاڑی اور قومی شناختی کارڈ نمبر سے ای چالان کو سرچ کریں۔
سرچنگ کرتے ہی اگر آپ کا ای چالان ہوگا تو فوری طور پر نظر آ جائے گا، اب اس کو ڈاؤن لوڈ کر لیں۔
