The news is by your side.

Advertisement

ای سی ایل سے زرداری کا نام نکالنا زیرِ غور نہیں: فواد چوہدری

اسلام آباد: وفاقی وزیرِ اطلاعات فواد چوہدری نے کہا ہے کہ حکومت نے 175 ممالک کو پاکستان کے لیے ای ویزہ کی سہولت فراہم کر دی ہے۔

وفاقی کابینہ اجلاس کے بعد پریس کانفرنس کرتے ہوئے وزیرِ اطلاعات نے کہا کہ 175 ممالک کے شہریوں کو پاکستان کا ویزہ 7 سے 10 دن میں ملے گا۔

پچاس ممالک کو ویزا آن ارائیول کی سہولت فراہم کر دی ہے تاہم بھارت کو یہ سہولت نہیں دی۔

وفاقی وزیر اطلاعات

فواد چوہدری نے کہا کہ برطانیہ سے پاکستان کی ویزا فیس میں کمی کی جائے گی۔

ان کا کہنا تھا کہ 50 ممالک کو ویزا آن ارائیول کی سہولت فراہم کر دی گئی ہے، غیر ملکیوں کے لیے بزنس ویزا کی سہولت بھی فراہم کر دی، بھارت کو ویزا آ ن ارائیول کی سہولت نہیں دی، وہ ب کیٹگری میں ہے۔

وزیرِ اطلاعات نے بتایا وفاقی کابینہ نے حج پالیسی کی منظوری دے دی ہے، اس بار حاجیوں کو مثالی سہولتیں دی جائیں گی، پاکستان کو ایک لاکھ 84 ہزار حاجیوں کا کوٹا ملا ہے، رواں سال حج پیکج 4 لاکھ 36 ہزار 975 روپے کا ہوگا۔

انھوں نے مزید بتایا کہ رواں برس حکومت حاجیوں کو سبسڈی نہیں دے گی، 10 ہزار کے قریب سینئر سیٹزنز کی سیٹیں مختص کی گئی ہیں، ای او بی آئی کے ساتھ رجسٹرڈ لوگوں کے لیے 500 سیٹیں مختص کی ہیں، حاجیوں کے لیے رہائش کا بھی بہت بہتر نظام بنایا گیا ہے۔

اس بار حاجیوں کو مثالی سہولتیں دی جائیں گی، پاکستان کو ایک لاکھ 84 ہزار حاجیوں کا کوٹا ملا ہے۔

فواد چوہدری

فواد چوہدری نے کہا کہ ای سی ایل سے نام نکالنے کے لیے 32 کیسز نظرِ ثانی کمیٹی کو بھجوا دیے ہیں، نام نکالنے کے لیے نظرِ ثانی کیسز میں زرداری کا نام نہیں، فہرست میں شامل 172 میں سے ایک شخص کا انتقال ہو چکا ہے۔

انھوں نے کہا کہ ن لیگی دورِ حکومت میں 29 ہزار انٹرن بچے بھرتی کیے گئے تھے، لیکن حکومت نے ان کو وظائف نہیں دیے، ان بچوں کو اب وظائف دیے جائیں گے۔

فواد چوہدری نے کہا ’صحافیوں کے لیے تحفظ کا بل لا رہے ہیں، ریگولیٹری اتھارٹی کا مقصد بھی صحافیوں کو تحفظ فراہم کرنا ہے، میڈیا انڈسٹری کے مسائل کے حل کے لیے ہر ممکن اقدام کریں گے۔‘

یہ بھی پڑھیں:  حکومت پاکستان کا 97 ممالک کے لیے ویزا شرائط نرم کرنے کا فیصلہ

وزیرِ اطلاعات کا کہنا تھا کہ سعودی ولی عہد پاکستان کے دورے پر آ رہے ہیں، ان کے دورے سے واضح تبدیلی نظر آئے گی، افغانستان میں گیم چینجر معاملات ہو رہے ہیں، پاکستان کا کردار افغانستان میں امن کے لیے بہت اہم ہے۔

Comments

comments

یہ بھی پڑھیں