The news is by your side.

Advertisement

اسلام آباد، پشاور سمیت مختلف شہروں میں زلزلے کے شدید جھٹکے

اسلام آباد‌: پشاور، راولپنڈی، اسلام آباد سمیت مختلف شہروں میں زلزلے کے شدید جھٹکے محسوس کیے گئے، جس کے باعث لوگوں میں خوف و ہراس پھیل گیا۔

اسلام آباد راولپنڈی، مری، چنیوٹ، میانوالی، چارسدہ، شانگلہ، کوہاٹ سمیت پنجاب اور خیبر پختونخواہ کے کئی شہر زلزلے کے جھٹکوں سے لرز اٹھے، جن کے باعث لوگوں میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے۔

زلزلے کے جھٹکے پشاور میں جاری ایک تقریب میں بھی محسوس کیے گئے، جس سے وزیراعلیٰ خیبرپختونخوا خطاب کررہے تھے، زلزلے کے جھٹکے آنے پر پرویز خٹک کو تقریر رکنا پڑی۔

ڈی جی میٹ غلام رسول کے مطابق زلزلے کی شدت پانچ اعشاریہ آٹھ ریکارڈ کیا گیا جبکہ مرکز کوہ ہندوکش تھا، زلزلے کی گہرائی ایک سو پچھتر کلو میٹر تھی۔

ڈی جی میٹ نے خبردار کرتے ہوئے کہا کہ زمین کی پلیٹس متحرک ہیں، مزید زلزلے آئیں گے، خاص طور پر پنجاب زیادہ متاثر ہوگا۔

ڈائریکٹر زلزلہ پیما مرکز کے مطابق آفٹرشاکس کاسلسلہ جاری ہے، پچھلے دو تین ماہ میں بڑے آفٹرشاکس آچکے ہیں، روزانہ کی بنیاد پر چھوٹے زلزلے ریکارڈ کیے جاتے ہیں، پاکستان،بھارت، افغانستان کے علاقوں میں چند ماہ میں تیس زلزلے آچکے ہیں۔

Comments

comments

یہ بھی پڑھیں