The news is by your side.

Advertisement

کراچی کے مختلف علاقوں میں زلزلے کے جھٹکے

کراچی: کراچی کے مختلف علاقوں میں زلزلے کے جھٹکے محسوس کیے گئے ہیں، گھروں اور عمارتوں سے باہر کھلے مقامات پرنکل آئے۔

تفصیلات کے مطابق کراچی کے مختلف علاقے گلشن اقبال، گلستان جوہر، صفورا گوٹھ اور اس سے ملحقہ علاقوں میں زلزلے کے جھٹکے محسوس کیے گئے۔

زلزلہ پیما مرکز کے مطابق زلزلے کی شدت 3.6ریکارڈ کی گئی، جبکہ زلزلے کی گہرائی 12 کلومیٹر ریکارڈ کی گئی، زلزلے کا مرکز کراچی تھا۔

زلزلے کے جھٹکے محسوس ہونے پر شہری خوفزدہ ہو کر گھروں اور عمارتوں سے باہر کھلے مقامات پرنکل آئے اور لوگوں میں خوف و ہراس پھیل گیا اور کلمہ طیبہ کا ورد کرنا شروع کردیا جبکہ اسکول ،کالجز اور کراچی یونیورسٹی سے طلبا باہر آگئے۔

تاہم اس سے کسی قسم کے جانی و مالی نقصان کی اطلاع موصول نہیں ہوئی۔

Print Friendly, PDF & Email

Comments

comments

یہ بھی پڑھیں