کیلی فورنیا: امریکا کے جنوبی علاقے میں ایک بار پھر 7.1 شدت کا زلزلہ آیا تاہم کوئی جانی نقصان نہیں ہوا، زلزلے کے شدید جھٹکے محسوس ہونے کے باوجود نیوز اینکر اپنے فرائض انجام دیتے رہے۔
تفصیلات کے مطابق کیلی فورنیا کے جنوبی علاقوں میں ایک بار پھر زلزلہ آیا، ماہرین کے مطابق دو دہائیوں میں آنے والا سب سے طاقتور زلزلہ ہے۔ زلزلے کے دوران کی ویسے تو انٹرنیٹ پر کئی ویڈیوز سامنے آئیں مگر ایک ایسی ویڈیو بھی سامنے آئی جس میں نیوز اینکرز کی فرض شناسی اور بہادری کو صارفین نے بہت زیادہ پسند کیا۔
سوشل میڈیا پر وائرل ہونے والی ویڈیو میں دیکھا جاسکتا ہے کہ خاتون اپنے ساتھی کے ساتھ بیٹھ کر اسٹوڈیو میں خبریں پڑھ رہی ہیں اسی دوران انہیں زلزلے کے شدید جھٹکے محسوس ہوئے اور سب کچھ ہلنے لگا۔
دونوں اینکرز نے اپنے حواس کو بحال رکھا اور خبریں اُس وقت تک پڑتے رہے جب تک وقفہ نہیں آیا وہ بیٹھے رہے۔ ویڈیو کے آخر میں یہ دیکھا جا سکتا ہے کہ زلزلے کے جھٹکوں کا سلسلہ طویل ہونے پر اینکرز نے پیشہ ورانہ ذمہ داریاں بخوبی نبھائیں اور بلیٹن پورا کیا، بعد ازاں خاتون اینکر کو میز کے نیچے پناہ لیتے ہوئے بھی دیکھا جا سکتا ہے۔
WATCH: Very scary moments in the #CBSLA newsroom when the quake hit. @NewsJuan and @SaraDonchey were live on #KCAL9 when it happened. pic.twitter.com/SfgV3060eT
— Mike Rogers (@MikeRogersTV) July 6, 2019
قبل ازیں امریکی جیولوجیکل سروے کی جانب سے جاری ہونے والے اعلامیے میں بتایا گیا کہ جنوبی کیلی فورنیا میں ہفتے کو زلزلے کے شدید جھٹکے محسوس کیے گئے جن کی ریکٹر اسکیل پر شدت 7.1 ریکارڈ کی گئی۔ زلزلہ کوہ پیما مرکز کے مطابق مرکز شہر ریگ کرسٹ تھا۔
یاد رہے کہ دوروزکے دوران امریکی ریاست میں دوسرا بڑا زلزلہ ریکارڈ کیا گیا تاہم تاحال کسی جانی نقصان کی کوئی اطلاع موصول نہیں ہوئی۔
Footage of Albertsons during the aftershocks! 7.1 Earthquake in Ridgecrest California multiple injuries in the store. #earthquakeinla #earthquake #damage #la #anotherearthquake pic.twitter.com/wBAZ6KPMtJ
— WX-EatonvilleWA (@EatonvilleWAWX) July 6, 2019
