The news is by your side.

Advertisement

زلزلہ متاثرین کی امدادی رقم جانوں کے ضیاع کا نعم البدل نہیں، وزیر اعظم

لوئر دیر : وزیر اعظم نواز شریف نے کہا ہے کہ زلزلہ متاثرین کی بحالی کے کام میں کسی قسم کی کوتاہی برداشت نہیں کی جائے گی۔

ان خیالات کا اظہار انہوں نے تیمر گرہ میں زلزلہ متاثرین میں امدادی چیک تقسیم کرنے کی تقریب سے خطاب کرتے ہوئے کیا۔

ان کا کہنا تھا کہ متاثرین کیلئے امدادی رقم جانوں کے ضیاع کا نعمل البدل نہیں،انہوں نے انتظامیہ کو ہدات دیں کہ متاثرین کی بحالی کے کام میں کوتاہی نہیں ہونی چاہیئے،متاثرین کو خیمے ، کمبل اور دیگر امدادی سامان کی فراہمی یقینی بنائی جائے۔

انہوں نے کہا کہ ہماری کوشش ہے کہ تمام متاثرین کو ان کی مشکلات سے نکالیں، ان کا کہنا تھا کہ سردی کے موسم سے قبل متاثرہ گھروں کو تعمیر کیا جائے گا۔

نواز شریف نے کہا کہ متاثرین کی بحالی کے کاموں میں پاک آرمی کی کاوشیں قابل تحسین ہیں،انہوں نے زلزلہ متاثرین کی بحالی کے لئے کردار ادا کرنے پرآرمی چیف کا شکریہ ادا کیا ۔

وزیر اعظم نے امدادی کاموں پر وزیر اعلیٰ کے پی کے پرویزخٹک کو بھی شاباش دی، بعد ازاں انہوں نے متاثرین میں امدادی چیک تقسیم کئے۔

Print Friendly, PDF & Email

Comments

comments

یہ بھی پڑھیں