کوئٹہ : پاکستان کے مختلف علاقوں میں زلزلے کے جھٹکے محسوس کیے گئے ، جس کے بعد شہریوں میں خوف و ہراس پھیل گیا۔
تفصیلات کے مطابق بلوچستان کے علاقے مسلم باغ اور گردونواح میں زلزلے کے جھٹکے محسوس کیے گئے۔
جس کے باعث شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔
زلزلہ پیما مرکز کے مطابق زلزلے کی شدت ریکٹر اسکیل پر 3.1 ریکارڈ کی گئی جبکہ اس کا مرکز مسلم باغ سے 100 کلومیٹر شمال مشرق میں واقع تھا اور زلزلے کی گہرائی 10 کلومیٹر بتائی گئی۔
اسی دوران حیدرآباد میں بھی زلزلے کے جھٹکے محسوس کیے گئے، جہاں زلزلے کی شدت 3.4 ریکارڈ کی گئی جبکہ گہرائی 16 کلومیٹر تھی۔
محکمہ موسمیات کا کہنا ہے کہ زلزلہ رات 12 بجکر 20 منٹ پر آیا تاہم ابتدائی اطلاعات کے مطابق زلزلے کے باعث کسی جانی یا مالی نقصان کی اطلاع نہیں ملی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں