پشاور/ لاہور: پاکستان، افغانستان اور بھارت متعدد علاقوں میں زلزلے کے جھٹکے محسوس کیے گئے جس کے بعد عوام میں خوف ہراس پھیل گیا ہے۔
زلزلہ پیما مرکز کے مطابق زلزلے کی شدت 7.1 تھی اور اس کا مرکز کوہ ہندوکش میں تھا، زلزلے سے افغانستان اور بھارت کے علاوہ پاکستان کے میدانی اور بالائی علاقوں میں زلزلے کی شدت محسوس کی گئی۔
ڈائریکٹر زلزلہ پیما مرکز زاہد رفیع کے مطابق زلزلے کی گہرائی 326 کلومیٹر تھی، گہرائی زیادہ ہونے کے سبب وسیع رقبے پر زلزلے کے جھٹکے محسوس کیے گئے۔
زاہد رفیع کا کہنا تھا کہ مذکورہ علاقے میں زلزلے معمول کی بات ہیں اور اس قسم کے جھٹکے آتے رہتے ہیں، اگر گہرائی کم ہوتی تو خدانخواستہ بڑ انقصان ہوسکتا تھا۔
#earthquake @ANI_news @ZeeNewsHindi at delhi @narendramodi pic.twitter.com/Eh8YPBVhyW
— Manish Bajpai यही समय है,सही समय है ।। (@ManishBajpaiBjp) April 10, 2016
تفصیلات کے مطابق اسلام آباد، پنجاب اور خیبرپختونخواہ کے متعدد شہروں ، گلگت بلتستان اور کشمیر کے متعدد علاقوں میں زلزلے کے شدید جھٹکے محسوس کیے گئے ہیں۔
پنجاب میں راولپنڈی، لاہور، گجرات، پنڈی بھٹیاں، فیصل آباد، اوکاڑہ اور چنیوٹ سمیت متعدد شہروں میں زلزلے کے جھٹکے محسوس کیے گئے۔
https://twitter.com/AnujGurwara/status/719114621857058817
خیبرپختونخواہ میں پشاور، ایبٹ آباد، مانسہرہ، شانگلہ ، سوات، کشمیر اورگلگت بلتستان میں بھی زلزلے کے جھٹکے محسوس کیے گئے ہیں۔
ذرائع کےمطابق زلزلے کے جھٹکے 30 سے 40 سیکنڈ سے زائد جاری رہے اور ان کی شدت بہت زیادہ تھی۔