The news is by your side.

Advertisement

لاہورسمیت پنجاب کے مختلف شہروں میں زلزلے کے جھٹکے

لاہور: صوبہ پنجاب کے دارالحکومت لاہور سمیت پنجاب کے مختلف شہروں میں زلزلے کے جھٹکے محسوس کیے گئے۔

تفصیلات کے مطابق پنجاب کے مختلف شہروں میں زلزلے کے جھٹکے محسوس کیے گئے زلزلہ پیما مرکز کے مطابق لاہور، اوکاڑہ اور ساہیوال میں زلزلے کے جھٹکے محسوس کیے گئے۔

مقامی افراد کے مطابق کے زلزلے کے جھٹکوں سے خوف زدہ افراد اپنے اپنے گھروں سے باہر نکل آئے تاہم فوری طور پرکسی جانی یا مالی نقصان کی اطلاع نہیں ملی۔

زلزلہ پیما مرکز کے مطابق ریکٹراسکیل پرزلزلے کی شدت 4.1 ریکارڈ کی گئی جبکہ زلزلے کا مرکز لاہور سے 24 کلومیٹر دور تھا۔

یاد رہے کہ یکم ستمبر کو اسلام آباد، لاہور، فیصل آباد، اوکاڑہ، شیخوپورہ ، گوجرانوالہ، مریدکے اور پنجاب دیگر شہروں زلزلے کے شدید جھٹکے محسوس کیے گئے تھے۔

زلزلہ پیما مرکز کے مطابق ریکٹراسکیل پرزلزلے کی شدت 4.3 ریکارڈ کی گئی تھی اور زیرزمین اس کی گہرائی 10 کلومیٹر تھی جبکہ زلزلے کا مرکز 30 کلومیٹر ننکانہ صاحب کے شمال میں تھا۔

Comments

comments

یہ بھی پڑھیں