The news is by your side.

میرپور آزاد کشمیر اور گردونواح میں زلزلے کے شدید جھٹکے

میر پور: آزاد کشمیر کے شہر میرپور اور گردونواح میں زلزلے کے جھٹکے محسوس کئے گئے، جس سے لوگوں میں خوف وہراس پھیل گیا۔

تفصیلات کے مطابق میرپور آزاد کشمیر اور گردونواح میں زلزلے کے شدید جھٹکے محسوس کئے گئے۔

لوگ خوفزدہ ہو کر کلمہ طیبہ کا ورد کرتے ہوئے گھروں، دکانوں اور عمارتوں سے باہر نکل آئے۔

زلزلہ پیما مرکز کاکہنا ہے کہ زلزلہ کی شدت2.9 اور اورگہرائی35کلومیٹر ریکارڈ کی گئی اور زلزلے کا مرکز جنڈ سے 9 کلو میٹر شمال مشرق میں تھا۔

تاحال زلزلے سے کسی جانی ومالی نقصان کی کوئی اطلاع نہیں ملی۔

یاد رہے رواں ماہ کے آغاز میں وفاقی دارلحکومت سمیت ملک کے مختلف شہروں میں 5.4 شدت کے زلزلے کے جھٹکے محسوس کیے گئے تھے۔

زلزلہ پیما مرکز کے مطابق زلزلے کا مرکز کوہ ہندوکش افغانستان میں تھا اور زلزلے کی گہرائی بتیس کلومیٹر ریکارڈ کی گئی تھی۔

حالیہ زلزلے کے جھٹکوں کے بعد میر پور آزاد کشمیر کے مضافاتی علاقوں میں مکانات گرنے کے واقعات سامنے آئے، مکانات گرنے سے مزید 50 افراد زخمی ہوگئے۔

Comments

یہ بھی پڑھیں