تازہ ترین

لیفٹیننٹ جنرل منیرافسر کی چیئرمین نادرا تعیناتی کی منظوری

نگران وزیراعظم انوارالحق کاکڑ کی زیرصدارت ہونے والے وفاقی...

مستونگ دھماکے میں ’را‘ ملوث ہے، نگراں وزیر داخلہ سرفراز بگٹی

اسلام آباد : نگراں وزیر داخلہ سرفراز بگٹی کا...

9 مئی واقعات : چیئرمین پی ٹی آئی کی 9 ضمانت کی درخواستیں منظور

اسلام آباد : اسلام آباد ہائی کورٹ نے 9...

نواز شریف نے 4 سال بعد وطن واپسی کیلئے ٹکٹ بک کروالیا

لندن : مسلم لیگ ن کے قائد نواز شریف...

’عراق میں بھی زلزلے کے جھٹکے‘

مراکش میں آنے والے تباہ کن زلزلے کے بعد گزشتہ رات عراق میں بھی زلزلے کے جھٹکے ریکارڈ کئے گئے ہیں۔

بین الاقوامی خبر رساں ادارے کی رپورٹ کے مطابق عراقی جیولوجیکل سروے کا اپنے بیان میں کہنا تھا کہ ’دھوک، کرکوک اور شمالی و وسطی عراق میں جھٹکے محسوس کئے گئے ہیں‘۔

بیان میں مزید کہا گیا ہے کہ ’پہلا جھٹکا ریکٹر سکیل پر 4.7، دوسرا 4.6 جبکہ تیسرا 3.1 تھا تاہم زلزلے سے کسی جانی نقصان کی اطلاع موصول نہیں ہوئی، حکام کی جانب سے شہریوں کو محتاط رہنے اور افواہوں پر کان نہ دھرنے کا کہا گیا ہے۔

دوسری جانب مراکش میں آئے خوفناک زلزلے سے اموات کی تعداد 2000 سے تجاوز کر گئی ہے، جبکہ دو ہزار سے زائد افراد زخمی ہیں، جن میں ایک ہزار کی حالت نازک بتائی جا رہی ہے۔

مراکش میں زلزلے سے اموات کے سوگ میں فرانس کے ایفل ٹاور کی روشنیاں بند کر دی گئیں، مراکش میں جمعہ اور ہفتہ کی رات 6.8 کی شدت کا زلزلہ آیا تھا، جس کا مرکز مراکش شہر سے 75 کلو میٹر دور اطلس کا پہاڑی سلسلہ تھا، جب کہ اس کی گہرائی 18.5 کلو میٹر ریکارڈ کی گئی۔

رپورٹس کے مطابق طاقت ور زلزلے سے زیادہ تباہی پہاڑی دیہاتوں اور قدیم شہروں میں ہوئی، جہاں عمارتیں اتنی طاقت کے زلزلے کو برداشت کرنے کی صلاحیت نہیں رکھتیں۔

حکام کا کہنا ہے کہ ہلاکتوں میں اضافے کا خدشہ ہے کیوں کہ دور دراز کے پہاڑی دیہاتوں تک ریسکیو اہلکاروں کی رسائی میں بہت مشکلات پیش آرہی ہیں۔

Comments

- Advertisement -