موسم گرما میں دھول مٹی اور پسینے سے چہرے پر بلیک اور وائٹ ہیڈز بن جاتے ہیں جو چہرے کو بے رونق بنا دیتے ہیں، تاہم اس مسئلے کو نہایت آسانی سے گھر میں حل کیا جاسکتا ہے۔
اے آر وائی ڈیجیٹل کے مارننگ شو گڈ مارننگ پاکستان میں اس مقصد کے لیے نہایت آسان ٹپ بتائی گئی۔
چہرے سے بلیک اور وائٹ ہیڈز نکالنے کے لیے 4 چیزوں کو آپس میں مکس کریں، دار چینی پاؤڈر، آدھا چائے کا چمچ، چاول کا پسا ہوا آٹا، آدھا چائے کا چمچ، خمیر 2 چٹکی اور بیکنگ سوڈا 1 چٹکی لیں۔
ان تمام اشیا کو عرق گلاب سے ملا کر آمیزہ بنا لیں۔ اس کے بعد اسے چہرے کے ٹی زونز ایریاز میں لگائیں، 10 منٹ بعد اسے مساج کر کے اتار دیں، بلیک اور وائٹ ہیڈز خود ہی چہرے سے نکل آئیں گے۔
اس کے بعد کھلے مساموں کو بند کرنے کے لیے چاول کا ذرا سا آٹا پانی میں مکس کر کے لگائیں اور ہلکا سا خشک ہوجائے تو صاف پانی سے چہرہ دھو لیں۔
