The news is by your side.

Advertisement

یادداشت بہتر بنانی ہے تو یہ چیزیں کھائیں

برطانیہ میں ہونے والی ایک نئی تحقیق میں محققین نے وہ غذائیں بتائی ہیں جس کو کھانا یادداشت بہتر بنانے میں معاون ہوسکتا ہے۔

غیر ملکی خبررساں ادارے کے مطابق لندن کی بِربیک یونیورسٹی میں غذا کے یادداشت اور نیند کے معیار پر اثرات کے حوالے سے کی جانے والی ایک تحقیق میں محققین کو معلوم ہوا ہے کہ خالصتاً مچھلی اور سبزیوں پر مشتمل غذا آپ کی یادداشت کو بہتر بنا سکتی ہے۔

تحقیق کے لیے محققین کی ٹیم نے 40 سال سے بڑی عمر کے 62 افراد کا انتخاب کیا جن کی غذائیں یا تو سبزیوں، مچھلیوں پر مشتمل تھیں یا پھر وہ سبزی اور گوشت دونوں کھاتے تھے لیکن ان کی غذا میں گوشت کا تناسب کم ہوتا تھا جبکہ ایسے افراد بھی تھے جن کی غذا میں گوشت کی کھپت زیادہ تھی۔

پِینر سینگل کی سربراہی میں تحقیق کرنے والی ٹیم کا کہنا ہے کہ گوشت پر مشتمل غذا کے بجائے سبزیوں کے استعمال کے نتیجے میں قلیل مدتی زبانی یادداشت میں بہتری دیکھی گئی۔ سبزیوں پر مشتمل غذا بہتر قلبی اور دماغی حالتوں سے تعلق رکھتی ہے۔

انہوں نے مزید کہا کہ بحیرہ روم کے علاقوں کی غذاؤں(جو زیادہ پھلوں اور سبزیوں پر مشتمل ہوتی ہیں) کا تعلق نیورونز کے ختم کردینے والی بیماریوں کے خطرات میں کمی اور سوچنے سمجھنے کی کارکردگی میں بہتری کے ساتھ پایا گیا

Comments

یہ بھی پڑھیں