The news is by your side.

Advertisement

ڈاکٹر زیلف منیر کی وزیر اعظم سے اسکائپ پر گفتگو، 100 ملین کا عطیہ

اسلام آباد: انگلش بسکٹس مینوفیکچررز کی سی ای او ڈاکٹر زیلف منیر نے وزیر اعظم عمران کے کرونا ریلیف فنڈ میں 100 ملین روپے عطیہ کرنے کا اعلان کر دیا۔

اے آر وائی نیوز کے مطابق انگلش بسکٹس مینوفیکچررز کی سی ای او ڈاکٹر زیلف منیر نے وزیر اعظم پاکستان عمران خان سے اسکائپ پر گفتگو کی، انھوں نے وزیر اعظم کرونا ریلیف فنڈ میں 100 ملین روپے کا عطیہ کرنے کا اعلان بھی کیا۔

گفتگو کے دوران وزیر اعظم عمران خان اور ڈاکٹر زیلف منیر کے درمیان قوم کو درپیش صورت حال پر بھی تبادلہ خیال بھی کیا گیا، ڈاکٹر زیلف منیر نے لاک ڈاﺅن کے دوران مستحق گھرانوں کو خوراک اور دیگر اشیائے ضرورت کی فراہمی کے لیے حکومت کے شانہ بشانہ کھڑے رہنے کے عزم کا اظہار کیا۔

سی ای او موبی لنک نے کرونا ریلیف فنڈ کے لیے 5 کروڑ کا چیک دے دیا

یاد رہے چند دن قبل ڈاکٹر زیلف منیر نے وزیر اعلیٰ سندھ مراد علی شاہ سے ملاقات کی تھی، اس موقع پر انھوں نے وزیر اعلیٰ سندھ کو سندھ ریلیف فنڈ برائے کو وڈ 19 کے لیے 20 ملین روپے کے عطیے کا چیک پیش کیا تھا، جو انگلش بسکٹ کے جذبہ خیر سگالی اور سماجی ذمہ داری کے اقدامات کا حصہ تھا۔

واضح رہے کہ کرونا وبا سے نمٹنے کے لیے وفاقی اور صوبائی سطح پر فنڈ قائم کیا گیا ہے جس میں مخیر حضرات سے عطیات جمع کرانے کی اپیل کی گئی تھی، گزشتہ روز سیلولر کمپنی جاز موبی لنک کے چیف ایگزیکٹو آفیسر عامر ابراہیم نے بھی وزیر اعظم کرونا ریلیف فنڈ میں 5 کروڑ روپے کا چیک دیا تھا۔

Comments

یہ بھی پڑھیں