مانچسٹر: سری لنکا اور پاکستان سے ہوم سیریز سے قبل انگلینڈ کرکٹ بورڈ نے تماشائیوں کو بڑی خوشخبری سنادی ہے۔
اے آر وائی نیوز کے مطابق انگلینڈکرکٹ بورڈ نے اسٹیڈیم میں تماشائیوں کی تعداد میں اضافے کا فیصلہ کیا ہے، جس کا اطلاق پاکستان اور سری لنکا کے درمیان ہونے والی سیریز میں کیا جائے گا، ای سی بی نے یہ اعلان بذریعہ ٹوئٹر کیا۔
ای سی بی کی جانب سے جاری بیان میں کہا گیا کہ سری لنکا اور پاکستان سیریز کے لئےشائقین کی گنجائش میں اضافے کا فیصلہ کیا ہے، رائل لندن سیریز ون ڈے اور ٹی20میں تماشائیوں میں اضافےکی اجازت ہوگی۔
بیان میں کہا گیا کہ پاکستان سے سیریز کےانتظامات سے متعلق تفصیلات مشاورت کے بعد جاری کی جائینگی۔
سیکریٹری ثقافت اولیور ڈاوڈن نے انگلش کرکٹ بورڈ کے فیصلے کو خوش آئند قرار دیتے ہوئے کہا کہ کھیلوں کے میدان میں تماشائیوں کی تعداد میں اضافہ خوش آئند بات ہے،زبردست ویکسین رول آؤٹ کے باعث یہ ممکن ہوا، ہم تماشائیوں کیلئےمحفوظ ماحول میں کھیل دیکھنےکےمزید اقدامات کررہےہیں۔
We are delighted to confirm that the ECB and our international venues are working with the Government to increase capacities at the Royal London Series ODIs and Vitality IT20s against Pakistan and Sri Lanka
— England and Wales Cricket Board (@ECB_cricket) June 21, 2021
واضح رہے کہ انگلینڈ اینڈ ویلز کرکٹ بورڈ کو کورونا کے باعث16.1 ملین پاؤنڈز کا خسارہ برادشت کرنا پڑا ہے، خسارے کے باعث بورڈ کے نقد ذخائر 2.2 ملین پاؤنڈز تک جاپہنچے ہیں۔
چیف فنانشل آفیسر اسکاٹ سمتھ کا کہنا تھا کہ گزشتہ برس چیلنجنگ سال رہاہے، گزشتہ برس بورڈ کی ٹکٹس کی فروخت سےحاصل ہونےوالی آمدنی صفر رہی جب کہ بائیوسکیور ماحول کیلئے بورڈ کےاخراجات میں مزیداضافہ ہوا۔