The news is by your side.

Advertisement

وزارت اطلاعات کو کورونا اشتہاری مہم کیلئے 141 ملین روپے فراہم کرنے کی منظوری

اسلام آباد : وزیرخزانہ حفیظ شیخ کی زیرصدارت کابینہ کی اقتصادی رابطہ کمیٹی کے اجلاس میں وزارت اطلاعات کو کورونا اشتہاری مہم کیلئے 141 ملین روپے فراہم کرنے کی منظوری دے دی۔

تفصیلات کے مطابق وزیرخزانہ عبدالحفیظ شیخ کی زیرصدارت کابینہ کی اقتصادی رابطہ کمیٹی کااجلاس ہوا ، جس میں 5 نکاتی ایجنڈا پرغور کیا گیا ، ذرائع کا کہنا ہے کہ اجلاس میں ہیلی کاپٹروں کی مرمت کیلئے 4 کروڑروپے اور رینجرز پنجاب کے ہیلی کاپٹرکی مرمت کیلئے 50 لاکھ روپےکی گرانٹ منظور کرلی گئی۔

ذرائع نے کہا کہ ای سی سی نے ایف سی کے پی ہیلی کاپٹر کی مرمت کیلئے ایک کروڑ روپے اور ایف سی بلوچستان کے ہیلی کاپٹرمرمت کیلئے 2 کروڑ 50لاکھ کی گرانٹ کی منظوری دی۔

اجلاس میں وزارت اطلاعات کی کورونا اشتہاری مہم کیلئے مالی وسائل کی فراہمی کی منظوری بھی دی گئی ، 141 ملین روپے اشتہاری مہم کیلئے وزارت اطلاعات کو فراہم کیے جائیں گے۔

ای سی سی نے وزارت ہاؤسنگ کی پاکستان کواٹرزکی لیزمیں توسیع کی منظوری دی اور سوئی سدرن فوجی فرٹیلائزربن قاسم میں گیس سپلائی معاہدے کی تجدید کی۔

ذرائع کے مطابق ثاقب ون اے گیس ذخیرے سے ایس ایس جی سی ایل کیلئے گیس فراہمی کی منظوری دی گئی ، ایس ایس جی سی ایل کو8ایم ایم سی ایف ڈی گیس دی جائے گی۔

Comments

یہ بھی پڑھیں