The news is by your side.

Advertisement

اکتوبر کے بل : کے الیکٹرک صارفین تیار ہوجائیں

اسلام آباد : مشیر خزانہ عبدالحفیظ شیخ کی زیر صدارت اقتصادی رابطہ کمیٹی کے اجلاس میں کے الیکٹرک صارفین کیلئے بجلی  ایک روپے 09 پیسے فی یونٹ مہنگی کرنے کی منظوری دے دی گئی، اضافہ اکتوبر کے بجلی بل میں شامل ہوگا۔

تفصیلات کے مطابق مشیر خزانہ حفیظ شیخ کی زیر صدارت اقتصادی رابطہ کمیٹی کا اجلاس ہوا، اجلاس میں کے الیکٹرک کےلیےسہ ماہی ایڈجسمنٹ کی منظوری دے دی، ای سی سی نےبجلی ٹیرف میں ایک روپے 09 پیسےفی یونٹ اضافے کی منظوری دی۔

ذرائع کا کہنا ہے کہ فیصلے کا اطلاق یکم ستمبر سے ہوگا، اکتوبر کے بجلی بل میں اضافہ شامل ہوگا، اضافہ 2016 سے 2019 کے دوران سہ ماہی ایڈجسٹمنٹ کی مدمیں کیاگیا۔

موجودہ بجٹ سےکے الیکٹر ک کیلئے 4.7ارب روپے جاری کرنے کی ہدایت دے دی ، وفاقی حکومت کےالیکٹرک کو4.7 ارب روپےسبسڈی کی مدمیں دےگی۔

ای سی سی نے ہوٹل روزویلٹ کےلیے14 کروڑ 20 لاکھ ڈالر کی منظوری بھی دی ، رقم قرضے، سود اور واجبات کی ادائیگی کےلیےفراہم کی  جائےگی۔

گذشتہ روز نیپرا نے بجلی کی قیمتوں میں 86 پیسے فی یونٹ اضافے کیا تھا، بجلی کی قیمتوں میں اضافے سے صارفین پر 10 ارب روپے کا اضافی بوجھ پڑے گا۔

اس سے قبل کراچی میں بدترین لوڈشیڈنگ پر نیپرا نے ایکشن لیتے ہوئے کےالیکٹرک پر بیس کروڑکاجرمانہ عائدکردیا تھا ، نیپرا کا کہنا تھا ، کے الیکٹر ک نےکراچی میں لوڈشیڈنگ کی حد نہیں چھوڑی تھی، کے الیکٹرک پر جرمانہ جون،جولائی میں لوڈشیڈنگ پرعائدکیاگیا۔

Comments

یہ بھی پڑھیں