The news is by your side.

Advertisement

حکومت کا رمضان ریلیف پیکج ، مہنگائی سے پریشان عوام کیلیے اچھی خبر آگئی

اسلام آباد : اقتصادی رابطہ کمیٹی کے اجلاس میں رمضان ریلیف پیکج کی منظوری دے دی گئی، رمضان پیکج کےتحت یوٹیلٹی اسٹورز کو 7ارب 60کروڑ روپے دیے جائیں گے۔

تفصیلات کے مطابق وزیر خزانہ عبدالحفیظ شیخ کی زیر صدارت اقتصادی رابطہ کمیٹی کا اجلاس ہوا، جس میں رمضان ریلیف پیکج کی منظوری دے دی گئی۔

ذرائع کا کہنا ہے کہ رمضان پیکج کے تحت یوٹیلٹی اسٹورز کو 7ارب 60 کروڑ روپے دیے جائیں گے، ریلیف پیکیج میں گھی پر1 ارب 30 کروڑ کی سبسڈی دی جائے گی ، جس کے بعد رمضان میں یوٹیلیٹی اسٹورز پر گھی 170 روپے کلو دستیاب ہوگا۔

ذرائع نے کہا کہ ایجنڈے کے مطابق طور خم بارڈر سے خام کپاس درآمد اور مختلف وزارتوں کیلئے 7 تکنیکی ضمنی گرانٹس کی منظوری دی گئی۔

ذرائع کے مطابق ای سی سی نے 2 فرٹیلائزر پلانٹس آپریٹ کرنے کیلئے آر ایل این جی کی فراہمی کی اجازت دی ، فرٹیلائزر پلانٹس کو آر ایل این جی کی فراہمی یوریا کھاد کی کمی پوراکرنے کیلئے دی گئی۔

اجلاس میں ای سی سی نے آئل مارکیٹنگ کمپنیزکے مارجن سےمتعلق پائیڈکواسٹڈی جلدمکمل کرنےکی ہدایت کردی جبکہ پاور ڈویژن اور پیٹرولیم ڈویژن کا ایجنڈا مؤخرکردیا گیا۔

Comments

یہ بھی پڑھیں