وزیر خزانہ کی زیر صدارت اقتصادی رابطہ کمیٹی کا اجلاس -
The news is by your side.

Advertisement

وزیر خزانہ کی زیر صدارت اقتصادی رابطہ کمیٹی کا اجلاس

اسلام آباد: وزیر خزانہ اسد عمر کی زیر صدارت اقتصادی رابطہ کمیٹی کا اجلاس جاری ہے جس میں مختلف امور پر غور کیا جارہا ہے۔

تفصیلات کے مطابق وزیر خزانہ اسد عمر کی زیر صدارت اقتصادی رابطہ کمیٹی کا اجلاس جاری ہے۔ اجلاس میں کاٹن کی درآمد پر کسٹم ڈیوٹی اور اضافی کسٹم ڈیوٹی ختم کرنے پر غور ہوگا۔

اجلاس میں درآمدی کاٹن کو ٹیکس سے مستثنیٰ قرار دینے کی بھی تجویز دی جائے گی۔

کپاس کی درآمد پر کسٹمز اور سیلز ٹیکس کی چھوٹ کا معاملہ ریونیو ڈویژن کے سپرد کردیا گیا ہے اور ریونیو ڈویژن سے چھوٹ کی صورت میں وصولیوں پر اثرات کی رپورٹ طلب کی گئی ہے۔

اجلاس میں وزارت صنعت سے پاکستان اسٹیل کو فعال کرنے سے متعلق رپورٹ بھی طلب کی گئی ہے۔

اقتصادی رابطہ کمیٹی کا کہنا ہے کہ وزارت صنعت تفصیلی رپورٹ جلد دے تاکہ اسٹیل ملز کو جلد فعال کیا جا سکے۔

Comments

comments

یہ بھی پڑھیں