The news is by your side.

Advertisement

درآمدی کھاد کی 50کلوگرام بوری کی قیمت 1000 روپےمقرر

اسلام آباد: کابینہ کی اقتصادی رابطہ کمیٹی نے فصل خریف 2017 کےلیے برآمدی یوریا کھاد کی 50 کلو گرام بوری کی قیمت 1000 روپےتک کرنے کی منظوری دےدی۔

تفصیلات کےمطابق وفاقی دارالحکومت اسلام آباد میں اقتصادی رابطہ کمیٹی کا اجلاس وزیر خزانہ سینیٹر محمد اسحاق ڈارکی صدارت میں ہوا۔

اجلاس میں کمیٹی نے وزارت صنعت و پیداوار کی عوام کے مفاد میں فصل خریف 2017کےلیے برآمدی یوریا کھاد کی 50 کلو گرام بوری کی قیمت کسان کے مفاد کو مدنظر رکھتے ہوئے 1000 روپے تک کرنے کی منظوری دے دی۔

اقتصادی رابطہ کمیٹی نےاقتصادی امور ڈویژن کی سفارش پر اسلام آباد برہان ٹرانسمیشن لائن ری انفورسمنٹ منصوبے کےلیےجاپان کی جانب سے جائیکا کےلیے 2.665 ارب روپے کے آسان شرائط پر قرضے پرٹیکس اور لیویز کی چھوٹ دینے کی منظوری بھی دےدی۔


اقتصادی رابطہ کمیٹی: 2 لاکھ میٹرک ٹن چینی برآمد کرنے کی منظوری


اس مسودے کا اہم بنیادی مقصد اسلام آباد اور نواحی علاقوں کےلیے بجلی کی فراہمی کےلیے ضروری ٹرانسمیشن لائنوں کی ری انفورسمنٹ کے ذریعے بجلی کی ترسیل کی بڑھتی ہوئی ضروریات کو پورا کرنے کےلیے قومی گرڈ کی استعداد کار میں اضافہ کرنا ہے۔

کمیٹی نے وزارت پانی و بجلی کی جانب سے تجویز کردہ اسٹینڈرڈ پاور پرچیز ایگریمنٹ کے مسودے کی بھی منظوری دےدی۔

کابینہ کی اقتصادی رابطہ کمیٹی نے داسو پن بجلی منصوبے کےلیے وزارت پانی و بجلی کی تجویز پر 350 ملین ڈالر قرضے کا 40 فیصد 140 ملین ڈالر قرضہ کی دوبارہ ادائیگی کےلیے جی او پی گارنٹی کی منظوری دی جبکہ ورلڈ بینک باقی 210 ملین ڈالر قرضے کی گارنٹی دے گا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Print Friendly, PDF & Email

Comments

comments

یہ بھی پڑھیں