The news is by your side.

Advertisement

ایان علی کی توہین عدالت کی درخواست سماعت کیلئے منظور

اسلام آباد : سپریم کورٹ نے ماڈل ایان علی کی توہین عدالت کی درخواست سماعت کے لیے منظورکرلی ہے، ایان علی نے ای سی ایل سے نام نہ نکالے جانے پرسیکرٹری داخلہ کیخلاف توہین عدالت کی درخواست دائر کی تھی۔

تفصیلات کے مطابق سپریم کورٹ نے ایان علی کی جانب سے سیکریٹری داخلہ کے خلاف توہین عدالت کی درخواست سماعت کیلئے منظور کرلی ہے ، چیف جسٹس جسٹس ثاقب نثارکی سربراہی میں تین رکنی بینچ کرے گا۔

ماڈل ایان علی کی درخواست پر سماعت منگل کے روزہوگی۔

یاد رہے کہ ایان علی نے سیکرٹری داخلہ کیخلاف توہین عدالت اور ای سی ایل سے نام نکالنے کے لیے سپریم کورٹ سے رجوع کر رکھا ہے، ایان علی نے درخواست میں مؤقف اختیار کیا کہ سپریم کورٹ کے احکامات کے باوجود نام ای سی ایل سے نہیں نکالا گیا۔


مزید پڑھیں : ایان علی کی سپریم کورٹ میں سیکریٹری داخلہ کیخلاف توہین عدالت کی درخواست


ایان علی نے کی سپریم کورٹ میں استدعا کی کہ ان کا نام ای سی ایل سےنکالا جائے اور سیکریٹری داخلہ اور دیگر ذمہ داران کے خلاف توہین عدالت کی کارروائی کی جائے۔

یاد رہے 7 فروری کوایان علی کی درخواست پر ای سی ایل سے نام نکالنے سے متعلق سندھ ہائیکورٹ میں سماعت ہوئی تھی ، ایان کی جانب سے درخواست کی گئی کہ انیس جنوری کو کئی روز گزر گئے لیکن نام نہیں نکالا گیا۔

اس سے قبل سپریم کورٹ نے ایان علی ای سی ایل کیس سے متعلق وزارت داخلہ کی جانب سے دائر اپیل مسترد کرتے ہوئے ایان علی کا نام ای سی ایل میں سے نکالنے کا حکم دیا تھا جبکہ سندھ ہائی کورٹ کا فیصلہ برقرار رکھتے ہوئے ماڈل ایان علی کو بیرون ملک جانے کی اجازت دے دی تھی۔

واضح رہے کہ ایان علی کو 2015 میں راولپنڈی ایئر پورٹ سےکروڑوں ڈالرمالیت کی غیرملکی کرنسی اسمگل کرنے کےالزام میں گرفتار کیا گیا تھا۔

Print Friendly, PDF & Email

Comments

comments

یہ بھی پڑھیں