اسلام آباد: کابینہ اقتصادی رابطہ کمیٹی نےگوادر میں تین سو میگاواٹ کے بجلی گھر کے قیام کے منصوبے کاٹھیکہ چائناکمیونیکیشن کنسٹرکشن کمپنی کو دینے کی منظوری دےدی۔
تفصیلات کےمطابق وفاقی دارالحکومت اسلام آباد میں وفاقی وزیرخزانہ اسحاق ڈار کی زیر صدارت کابینہ اقتصادی رابطہ کمیٹی کا اجلاس ہوا۔
کابینہ کی اقتصادی رابطہ کمیٹی کے اجلاس میں پرائیویٹ پاوراینڈانفراسٹرکچر بورڈ کو گوادر میں تین سو میگاواٹ کے بجلی گھر کے قیام کے منصوبے کاٹھیکہ چائناکمیونیکیشن کنسٹرکشن کمپنی کو دینے کی منظوری دے دی گئی۔
کابینہ کی اقتصادی رابطہ کمیٹی نے اپنے گزشتہ اجلاس میں ایک کمیٹی تشکیل دی تھی تاکہ وزارت پانی وبجلی کی جانب سے اس سلسلے میں پیش کی گئی تجاویز کا تفصیلی جائزہ لیاجاسکے۔
کمیٹی نےاجلاس میں اپنی رپورٹ پیش کرتے ہوئے وزارت پانی وبجلی کی سفارشات کی توثیق کی۔
مزید پڑھیں:سہانےخواب دکھانےکےبجائے عملی اقدامات پر یقین رکھتاہوں‘ وزیراعلیٰ پنجاب
یاد رہےکہ دو روز قبل وزیراعلیٰ پنجاب شہبازشریف نے ای روزگارٹریننگ پروگرام کی افتتاحی تقریب سےخطاب کرتےہوئےکہاتھاکہ بجلی کےایسے منصوبے شروع کیےجا رہے ہیں جن کی ملکی تاریخ میں کوئی مثال نہیں ہے۔
واضح رہےکہ وزیراعلیٰ شہبازشریف کا کہنا تھا کہ رواں سال کے اختتام یا اگلے سال کے شروع تک لوڈشیڈنگ کا مکمل خاتمہ کردیا جائےگا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں