site
stats
پاکستان

اقتصادی رابطہ کمیٹی کا اجلاس: کئی اہم معاشی اقدامات کی منظوری

economic

اسلام آباد : اقتصادی رابطہ کمیٹی نے سی پیک منصوبوں کے درآمدی سامان کو ٹیکس سے استثنیٰ سمیت کئی اہم معاشی اقدامات کی منظوری دے دی۔

تفصیلات کے مطابق اسلام آباد میں وزیراعظم شاہد خاقان عباسی کی زیرصدارت اقتصادی رابطہ کمیٹی کا اجلاس ہوا، ای سی سی اجلاس میں سی پیک منصوبوں کے درآمدی سامان کوٹیکس استثنیٰ سمیت کئی اہم معاشی اقدامات کی منظوری دےدی گئی ہے۔

اقتصادی رابطہ کمیٹی نے نیشنل ہائی وے منصوبوں کیلئے درآمدی سامان کوٹیکس سے مستثنیٰ قرار دے دیا، یہ ٹیکس چھوٹ سکھر، ملتان موٹر وے منصوبے کیلئے ہوگی۔

اجلاس میں کمیٹی نے صوبوں کو بیس لاکھ ٹن گندم برآمد کرنے کی اجازت دے دی، اجازت کے بعد پنجاب پندرہ لاکھ  ٹن اور سندھ پانچ لاکھ ٹن گندم برآمد کرسکےگا۔

مذکورہ برآمد رواں مالی سال کے اختتام تک مکمل کرنا ہوگی، ای سی سی نے ایف بی آر کی تجویز پر بعض اشیاء پر ریگولیٹری ڈیوٹی میں کمی کی منظوری بھی دی۔

حکومت نے تین لاکھ میٹرک ٹن چینی خریدنے کا بھی فیصلہ کیا ہے، اجلاس میں کپاس کی امپورٹ پر ٹیکس کی چھوٹ کی سمری بھی ایجنڈے میں زیرغور رہی جب کہ آٹو سپئیر پارٹس اور ٹائر پر ریگولیٹری ڈیوٹی ختم کیے جانے کی تجویز بھی پیش کی گئی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top