The news is by your side.

Advertisement

اقتصادی رابطہ کمیٹی اجلاس، مزدوروں کیلئے 75ارب روپے کے ریلیف کی منظوری

کراچی: مشیرخزانہ عبدالحفیظ شیخ کی زیرصدارت اقتصادی رابطہ کمیٹی کے اجلاس سے متعلق اعلامیہ جاری کردیا گیا، اجلاس میں اہم اقدامات کی منظوری دی گئی۔

تفصیلات کے مطابق جاری کردہ اعلامیہ میں کہا گیا ہے کہ اجلاس میں احساس پروگرام کے تحت مزدوروں کے لیے 75ارب کے ریلیف کی منظوری دی گئی، مزدوروں کو 75ارب، 200ارب کے پیکج میں سے فراہم کیے جائیں گے۔

’ریلیف پیکج کے تحت چنے گئے افراد کو 12ہزار روپے دیے جائیں گے، مزدوروں کے لیے منظور کردہ پروگرام کو مزدور کا احساس پروگرام کا نام دیا گیا ہے، احساس کفالت پروگرام میں مزدروں کے لیے چوتھی کیٹیگری شامل کی جائے گی، نئی کیٹیگری کے تحت کم آمدنی والے 60 لاکھ مستحقین مستفید ہوں گے‘

ایک سال 4 ماہ میں معیشت میں استحکام آ گیا: مشیرخزانہ

اعلامیے کے مطابق احساس پروگرام کے 1 کروڑ 20 لاکھ مستفید افراد اس کے علاوہ ہیں، لاک ڈاؤن سے متاثرہ دیہاڑی دار اور مزدور طبقے کی امداد کی جاسکے گی، وزارت صنعت اور دیگر اداروں کو اس ضمن میں میکنزم کی تیاری کی ہدایت کی گئی ہے۔ اجلاس میں بلوچستان کے 19 جاری منصوبوں کے لیے 60 کروڑ سے زائد سپلیمنٹری گرانٹ منظور کی گئی۔

اجلاس میں رواں مالی سال اسٹیل ملز واجبات کے لیے 1ارب 30 کروڑ کی منظوری دی گئی۔ پاکستان اسٹیل ملز کیلئے اگلے 3 سال کیلئے ہر سال 3 ارب 85 کروڑ روپے منظور کرلیے گئے، دریں اثنا اسلام آباد ہیلتھ کیئر ریگولیٹری اتھارٹی کے لیے 15 کروڑ روپے گرانٹ کی منظوری دی گئی۔

اعلامیہ میں کہا گیا ہے کہ ای او بی آئی کے لیے نظرثانی شدہ بجٹ تجاویز بھی منظور کرلی گئیں، وزارت تجارت نے ایکسپورٹ اور امپورٹ پالیسی آرڈرز 2020 کی منظوری دے دی۔

Comments

یہ بھی پڑھیں